گەریلا هارون چەکدار پاریسنە یاڎ کریاوە
هارون چەکدار کە بۆتاننە چالاکیی فیداییش کەرد، پاریس یاڎ کریاوە، دلێشنە وچیا: "سەرمەشقێ هەقەتینێ هەڵمەتەو ئازادیی ڕابەر ئاپۆی، گەشمەردەکێمانۍ. نەمرکەردەیی گەشمەردا تەنیا بە ژیواێوی شایسەو ئادیشا بۆ".
گەریلاو هەپەگەی هارون چەکدار (ئومید توران) کە ٣٠ تەمووزو ٢٠١٥ینە کەشو گابارینە دژو کەتیبێوی سەروازیینە چالاکیی فیداییش کەرد، گەڕەکەو درانسیینە پاریسو پایتەختو فەڕەنساینە یاڎ کریاوە.
ئەداو گەشمەردە هارون چەکداری، دلبەر تورانە و نوێنەرەو کۆمیسیۆنو بنەیانەو گەشمەردا جەلیل ئاکدۆغان و دەیان کوردستانیێ چالاکییەکەنە بەشدارێ بێنێ، کە بە سەرمەشقایەتیی مەجلیسو گەلو درانسی جە ناوەندو جڤاکی کوردی دیموکراتیکو درانسینە لوا ڕاوە.
هۆڵەکەنە ڕسمو گەشمەردە هارونی و ڕسمو ڕابەرو گەلو کوردی عەبدوڵا ئۆجالانی و گەشمەردا ورواسیا.
دماو دەیەقێو ڕێزگێرتەی وەنەو گەشمەردا، چالاکییەکەنە وچیا: " پەی زیندەئاستەیۆ گەشمەرداما، پێویسا میراتەکەیشا بپارێزنمێ و پەی ئامانجەکاشا بژیومۍ. سەرمەشق و پارێزنەرە هەقەتیناو هەڵمەتەو ئازادیی ڕابەر ئاپۆی گەشمەرداو ئێمەنۍ. نەمرکەردەی گەشمەردا تەنیا بە ژیواێوی شایستەو ئادیشا بۆ".
دمایی سینڤزیۆنێو دەربارەو ژیوای گەشمەردە هارون چەکداری تەماشە کریا و مەولود کریا.
یاڎەکە بە درووشمو "بژیوۆ سەرۆک ئاپۆی" دماییش ئاما.
