"ڤېان پەیمان"ە گەریلاو یەژاستاری باسش چانەی کەرڎ کە دۊڵەتو ترکی گرڎ ساڵۍ بانگەشەو ئانەی کەرۊ کە گەریلا دمایش پنە ئامان، بەڵام گرڎ ساڵێچ شکس مارۊنەو ۋاتش؛" دۊڵەتو ترکی چێش کەرۊ با کەرۊ، جە ئېسە بەدمایچۊ حەر سەرمەگنۊ".

"ڤېان پەیمان"ە گەریلاو یەژاستاری قسێش پۍ ئاژانسو ھەۋاڵی فورات(anf)ی کەرڎێو ئانەش وست ڕوۋە کە دۊڵەتو ترکی حۊڵ مڎۊنە جە ڕاو بەکار ئاورڎەو چەکی کېمېاۋیۊ گەریلای پاکتاو کەرۊو ۋاتش؛" دۊڵەتو ترکی فاشېستی گرڎ ساڵۍ بانگەشەو ئانەی کەرۊ کە دمایی بە گەریلای مارۊ ، بەڵام گرڎ ساڵێچ ۋێش شکس مارۊنە. حەر پۊکەی گرڎ جارۍ پەنا بەرۊنە ۋەرو شێۋازی جېا جیای. چەکی کېمیاۋی و بۊمبۍ قەڎەغە کریۍ بەکار مارۊنە، بەڵام گەریلا گرڎ جارۍ بە ئېراڎێۋە بەقوەتتەرۊ ھورمێزاۋە سەرو پەیا. ئېنە جەنگو ئیرادەیا، مدرامانۍ کەم ۋێنە ۋەردەوامېش ھەن".

جە ئېسە بە دمایچۊ مەتاۋانە سەرگنا:

"ڤېان پەیمان"ە گەریلاو یەژاستاری، ۋاتش؛'' دۊڵەتو ترکی بەتەنیا ھجوم مەکەرۊ، ھێزە مېان نەتەۋەی و ھەرێمېەکێچ پەشتېۋانېش ۋنەمکەراو ۋاتش، حەر پۊکەی ۋەران ۋەرو تاۋانەکاو دۊلەتو ترکېنە بێدەنگێنۍ. دۊڵەتو ترکی چێش کەرۆ با کەرۊ، جە ئېسە بە دمایچۊ حەر سەرمەگنۊ و سەرەش کێشۆ تاشە تەۋەنەکاو کورڎسانیەرە. ڕابەر ئاپۊ ۋاتەبێش، گرڎو جەھانېچ بێنە سەرما ئێمە ۋێما پارێزنمۍ، پێسە جەنگاوەرا ڕابەر ئاپۊی حەجگېز دەسبەرڎارو ئەرەکۊشاو ۋێما مەبېمۍ. حەتا گەلو کورڎی ئازاڎ نەبۊ ئی جەنگە ۋەردەوام بۊ. سەرو ڕاو ڕێبازو ڕابەر ئاپۊی کۊشییەیمۍ".

ھ.ش