گەریلا تیڤی دیمەنوو چالاکیېوە تازەیش وەڵاکەردۆ
گەریلاکاو یەژاستاری ١٦و تشرینوو یووەم و ٢٠٢٣ جە خواکورک چالاکیشا ئەنجامدابۍ، چنەشەنە دووۍ سەروازۍ تورکی ئەرەگیریشا بە سزا یاونۍ بێنۍ. گەریلا تیڤی دیمەنوو ئا چالاکیەیشە وەڵاکەردۆ.
ناوەندوو ئەرەیاۋنای و چاپەمەنی هەپەگەی سەبارەڎ بە چالاکیەکەی، کە جە خواکورک ئەنجامدریابۍ، ئی زانیارییەشە ئەرەیاۋنابۍ:
"١٦و تشرینوو یووەمی سەعات ١٤:٣٠ دەیەقۍ بە چەکی قورس چا ئەرەگیراشە دا کە حۊڵ دېنۍ جە بەینوو کەش و گەشمەرڎە کامورانی و کەش و گەشمەرڎە حەقی بنەوزا. چا چالاکیەنە ٢ ئەرەگیرۍ سزادریۍ، دووۍ ئەرەگیرێچ زامڎارۍ بیۍ. ئا چالاکیە جە تەرەفوو هێزەکاو یەژاستاریماوە ئەنجامدریا".
چالاکیەکە پۍ یاڎکەردەیۆ گەریلاکاو ئازاڎیی کوردسانی قەدریە تەتیک (ئاسیا کانیڕەش)ۍ توماس یوهان سپیس (ئازاد شەڕگەر)ی و دیاکۆ سەعیدی (کۆچەر مێدیا)ی کە ١٥و حوزەیرانوو ٢٠٢٣ جە خواکورک گەشمەرڎۍ بیۍ ئەنجامدریا.
