گەریلۍ یەژا ستاری بەرچەم گەڤەر و گەلاوێژ سەقزە، جە ١١‌‌یەمین ساڵیادوو گەشمەرڎەبییەی ساکینە جانسزۍ (سارا)ێنە یادۍ کەردێوە سەبارەت بە کۊشیای و هەڵوێستی ئاپۊیی گەشمەرڎە سارۍ پەی ئاژانسوو هەواڵوو فورات ی (ANF) قسێشا کەردێ.

گەریلا بەرچەم گەڤەرە پێسە دەسش بە قسا کەرد و واتش: " سەرەتا یادوو هامڕا سارۍ بەڕێزۊ کەرووە و سەرەیم حاسشنە کۊمنوورە. فەرماندە و سەرمەشقە هامڕا سارا پێسە خەتەو ژەنۍ ئازاڎۍ سیمبوڵێوە گەورێنە. ئارۊ سەروو ئی خەتێوە بە هێز و ئیرادێوە فرەوە خەبات کەرمێ. پەوکای وەختۍ هامڕا سارۍ یاد کەرمێوە پەی من هێز، ورە، ئیرادە و باوەڕدارییم پەنە بەخشۊ. وەختۍ ئینسان هەڵوێستوو هامڕا سارۍ وینۊ، بەشداربییەیی دلۍ جمیەرینە، سەرمەشقایەتیی خەتەو ئازاڎیی ژەنۍ موینۊ. چێوۍ کە دایمە ویروو ئینسانیەتینە هەن ئیرادە و باوەڕوو هامڕا سارێن، بەتایبەت جەنگنە و بواروو ڕێکوستەینە نموونەن پەیم.  

ئارۊ هەنگامەی گەورۍ کۊشیای منیەیمۍ و ڕابەرایەتیی مدرامانی کەرمۍ، ئینە جە سایۍ ئا میراتەیۊنە، کە هامڕا سارۍ پەی جیا ئاستێنمێ. چونکوم فەرماندە سارا ڕاوبەرەو جمیەری بێ. پاسەش کەرد جمیەرما سەروو پایاو وێشۊ مردۊ. چونکوم ژەنێوە بۍ هێز و ئیرادەیش بەخشۍ بە دەوربەرەکەیش. تا وەختوو گەشمەرڎەبییەیش خەباتێوە گرنگ کەرۍ پەی ڕێکوستەیەکا. هامڕا سارا پەی ئێمە سەرمەشقە، خواوەندە و فەرماندێنە.

هامڕا سارا، هامڕا ڕووکەنە، هامڕا ئارین و بە دەیان هامڕۍ تەرۍ بەفیداییانە لوێنۍ سەروو دوژمنی و دوژمنی ماڕێنێ. ئیساتۍ دەیان سارۍ هەنێ. هامڕا سارا سیمبۊڵەو مدرامانیمانە، سیمبۊڵەو ئیرادەین، سیمبۊڵەو هێزی و باوەڕداریینە. هامڕا سارا ئاستوو فەرمانداریینە و ئاستوو سەروازیینە و ئاستوو بیردۊزوو وێشنە و ئاستوو ڕابەرێتییینە جە هەڵوێستوو وێش یاوێنە و پەی ئێمە نموونیوە باڵانە. ئارۊیچ سەروو ڕاکیشۊ هەنگامۍ گەورۍ منیەیمۍ، وەختۍ نامۍ هامڕا سارۍ مارا، هێز، یارای و ئیرادە مۍ ویرما. جارێوە تەر ساڵیادوو گەشمەرڎەبییەییشنە سەرە کۊمنمێرە. تا شایەنۍ هامڕا سارۍ بیمۍ، مشۊم بیمۍ بە جەنگاوەرۍ ڕابەرێتی.

کەسایەتیێوە پێسە هامڕا هامڕا سارۍ پێسە نموونەی ورگێرمێ. بە پاو ئادۍ دژوو دوژمنی مدرامانێوە بێهامتا و بە هەنگامۍ گەورێوە کەرمۍ و ملمێ. مدرامانەکاو زاپ، خواکوڕک، مەتینا، ئاڤاشینی و گارای ملا ڕاوە بە پاو ڕاو هامڕا سارۍ کریا. ئێمەیچ دلۍ ئی مدرامانەینە یاگۍ گێرمۍ و هەرمانە و دەورما سەروو بنەماو خەتەو هامڕا سارێوە کەرمێ.

گەریلا گەلاوێژ سەقزە، ئەوەڵۊ یادوو هامڕا سارۍ، فیدانۍ و لەیلێش کەردۊ و واتش: "جە ساڵوەگێڵوو هەریەرە گەشمەرڎانە، گردووگەشمەرڎاو شۊڕشی یادۍ کەرمێوە، وەختۍ بەشدارۍ دلۍ ڕیزەکاو تەڤگەری بییا ئاشناو هامڕا سارۍ بیا. وەختۍ ماچمۍ هەڤال سارا سەروو خەتەو ژەنۍ ئازاڎێوە کۊشیۍ و پێسە ژەنۍ ئازاڎۍ چەنی ژیومۍ، چێش کەرمۍ هامڕا ساراما مێوە ویر. هامڕا سارا دژوو فرەو زەحمەتیا سەرە نەکۊمنێرە. دایمە نموونەنە پەیما مشۊم دایم شۊنیشرە بلمێ. هیزی هامڕا سارا گەشمەردۍ بییە وەلۍ ئارۊ هەزاران سارۍ لە سەنگەرەکانە گژیا و هەقەو گردوو گەشمەرڎا وەنەو دوژمنی کەراوە. پەی ڕابەر ئاپۊی پەی ئازاڎی و کورڎسانێوە ئازاڎی تا دما دڵۊپەو ونێما گژیەیمێ. هامڕا سارا هەمیشە دلۍ دڵیمانە زینڎێنە و ژیونۊماوە".