٩ کانوونوو دووەموو ٢٠١٣ پاریسنە یەرۍ ژەنە کۊشەرێ، یەرۍ ژەنۍ ئازاڎۍ و سەرمەشقۍ گەلوو کوردی تیرۊرۍ کریێ. چی کۊکوشییەنە، ئەرەمەرزنەرێوە پەکەکەی ساکینە جانسیزە (سارا) و سەرمەشقەو تەڤگەروو گەنجا لەیلا شایلەمەزە (ڕوناهی)یە و فیدان دۊگانە، کە پەی ئشناسای گەلوو کوردی گردوو جیهانینە ڕووەش کەردە ئەورووپا، کریۍ ئامانج. پی بۊنەوە، گەریلاکاو ئازاڎیی کورڎسانی پەی ئاژانسوو هەواڵووو فورات (ANF)ی قسێشا کەرڎێ.

گەریلاو یەژاستاری، دەلیلە بۊتانە جە کەسێتیی گەشمەرڎە سارێنە گردوو گەشمەرڎاو شۊڕشیش یادۍ کەرڎێوە، و واتش: "سەرەو ڕێزی پەی گردوو گەشمەرڎا کۊمنمێرە. کۊکوشییەکەو پاریسی بەئەنقەس و پلانە بێ. گەرەکشابۍ جە ئەنجاموو ئی کۊکوشییەینە مدرامانوو هامڕا سارۍ دژوو وێشا ماڕا. چونکوم مدرامانوو هامڕا سارۍ مدرامانێوە ئاسایی نەبێ، وەربەسێوە گەورە بۍ وەردەموو دوژمنینە. دوژمن ئجێش ئەگەر سەرمەشقاو ئێمە، ژەنۍ سەرمەشقۍ کەرۊ ئامانج، ئیتر بە ئامانجەکەیش میاوۊ. وەلۍ ئادۍ چانەی نەیاوێنێنە کە حەرچندە باج بدەیمێ، هەقەو گەشمەرڎەکاما خاستەر کەرمێوە. ئینەیچ هۊکارێوەن تا ئێمە پێسە تەڤگەروو ژەنا ناچارێنمۍ کۊشیای وێما دژوو گرد نۊعە هجوومێوە زیاتەر کەرمێ. گردما موینمێ، کە هامڕێکێما وەرانوەروو گرد نۊعە هجوومێوە چالاکیی کەرا.  گردوو دنیێچ موینا جیهانیش دەبینین مدرامانوو ژەنا تا چە ئاستێوە لوان وەڵێوە. ئێمەیچ پێسە شۊنکەوتاو هامڕا سارێ، پێسە ژەنێوە پەکەکەی و پێسە هامڕاو ئا هامڕایا، هەقەو هامڕایەکاما وەنەو دوژمنی کەرمێوە و بە جەنگەکاما نیشانەش مدەیمێ. پەوکای مدرامانوو سارێ، کە ساڵانێوەن دلۍ پەکەکەینە هەن، پەنەوازا پێسە خەتێوە، مانیفێستێوە ورگێرمێ، ژیوایمانە ڕەنگ بدۊوە. پێسە جەنگەواناو یەژاستاری هەقەو هامڕا سارۍ و هامڕا لەیلاۍ و هامڕا فیدانۍ کەرمێوە. خەتەو یەرە هامڕاکانە وێما قەوەتتەر کەرمۍ و ئەنجامێوە گەورەتەر دەس وزمێ. با دوژمن فرە خاس بزانۊ، چندە سەرمەشقاو تەڤگەرەکەیما کەرۊ ئامانج، ڕەقتەرۍ بیمێ. ئینەیچ پاسە کەرۊ ڕۊ بە ڕۊ، بەشداریکەردەیما قەوەتتەر کەرمێ. بە بۊنەو ساڵیادوو کۊکوشییوە، هامڕا سارا و لەیلا و فیدانۍ یاد کەرمێوە و بە جەنگەکەیما هەقەو هامڕاکاما کەرمێوە".

گەریلا مەدیا کۊچەرە بۊنەو ئی ڕوەیۊ، دیای و ئەرەمەنەی وێش پاسە بەروست: "ئەوەڵ جە ساڵیادوو گەشمەرڎەبییەی هامڕا سارۍ و هامڕا لەیلۍ و هامڕا فیدانێنە، بەڕێزۊ یادشا کەرمۍ و سەرەو ڕێزی کۊمنمێرە. جە کەسێتیی ئی یەرە هامڕایانە، گردوو گەشمەرڎاو شۊڕشی یادۍ کەرمێوە. گەشمەرڎاو دووەم کۊکوشیی پاریسیچ یادۍ کەرمێوە. ئامانجوو ئەرەگیرا ئانەنە جە کەسێتیی سەرمەشقە ژەنانە، تەڤگەروو ژەناما و تەماموو ژەنا دلێنە بەرا و ئیرادەیما لاواز کەرا. ئی ئامانجەو دوژمنی حەرگیز مەلۊ سەر. گەشمەرڎەبییەیشا بۊ مایۍ مۊراڵێوە بەرزتەری پەیما، جە ڕاو بەشداری و هەڵوێسیماوە ئی هجووما پووچەڵۍ کەرمێ. هامڕا سارا پەی ئێمە ڕۊشنایینە. وەردەموو گردوو ژەنا ڕۊشنا کەرۊوە تا شۊنیشەرە بلا. ڕۊشنایی هامڕا سارۍ  بۊ بە ئامرازێوە تا تا بەرەو ئازاڎی هەنگامە بنیەیمێ. دەوڵەتی ئەرەگیروو تورکی و هامکارەکاش گەرەکشابۍ ئیرادەو ژەنۍ جە کەسێتیی هامڕا سارێنە دلێنە بەرا. ئێمە پێسە ژەنا و پێسە شۊنکەوتاو هامڕا سارێ، کۊشیەیمۍ پەی  ماڕای  هەوڵاو دوژمنی و ڕۊ بە ڕۊ کۊشیای گەورەتەر کەرمێ. وەرنیشتوو کورڎسانینە ژەنۍ سەرمەشقۍ کەرمۍ ئامانج. هەر جارێوە ژەنێوە سەرمەشقە کەرا ئامانج و گەشمەرڎێش کەرا، جە کەسێتییشانە هەزاران ژەنۍ دلۍ ئێمەنە مەیا بەر و خەتەو هامڕا سارێنە هەنگامە منیا، سەرمەشقایەتیی کەرا و بە ئامانجوو ئادیشا میاوا سەر.

هامڕا سارا بە ڕۊح و فیکرو وێش دلێمانە مژیوۊ. چونکوم ئا ئامانجە کە هامڕا سارا وستش وەڵێش و گەرەکش بۍ پەی ژەنا کەرۊش، ئێمە پێسە شۊنکەوتاو هامڕا سارۍ ئا ئامانجەیە مارمۍ دی. کۊشیایما بەردەوام بۊ تا  بتاومۍ خەتەو هامڕا سارێنە قووڵتەرۍ بیمێوە.  ببینەوە. سەرمەشقەکێما فرە قەوەتۍ بیێنێ، حەرچندە سەرمەشقەکاما گەشمەرڎۍ کەرا، ئا خەتۍ کە پەیما دیارییە کریێنە سەرش ملمێ. ئێمە پێسە ژەنا بانگەشەو ئانەیە کەرمێ، کە میراتوو هامڕا سارۍ و هامڕا لەیلۍ و هامڕا فیدانێما تا ئاخر میاونمۍ یاگێ.  پڕۊژەکاو هامڕا سارۍ هەمووی بۊ ژنانی بندەست بوو. ئێمە شەڕڤانی هامڕا ساراین و خەونەکانی هامڕا سارا بەدی دەهێنین. هێڵی هامڕا خەتەمانە، هەقەشا جە دوژمنی کەرمێوە. هامڕا سارا گردوو وەختەکاو ژیوایش چەنیما مژیوۊ. ئارۊ بە ڕۊحوو هامڕا سارێوە جەنگ و ڕەفتار و خەبات کەرمێ. هەقەو کۊکوشیی پاریسی وەنەو دوژمنی کەرمێوە. ئێمە جە جارا قەوەتتەرۍ و  گەورەتەرێنمێ. جمیەروو ژەناما قەوەتتەر بۊ، قیناوییتەر وەرانوەر پاشڤەڕۊیی ڕەفتار کەرمێ. ئێمە جە گرد وەختۍ زیاتەر بە ڕۊحوو هامڕا ڕوناهیێوە گژیەیمۍ و ئینەی یاونمۍ لووتەکێ. بناغەکەما قەوەتا. ئا بناغە بە هێزوو ڕێبەرێتی، بە جەنگ و کۊشیای هامڕا سارۍ دژ بە دوژمنی مەرزیانرە، ئێمە مرڎێنمۍ و پی ڕۊحەوە قەوەتتەرۍ بیمێ. بانگەشەما قەوەتا و قەوەتتەریچ بۊ. پی بانگەشەیە دوژمنی ماڕمێ. دوژمن حەرگیز مەتاوۊ جە ڕاو بەئامانجگێرتەی سەرمەشقەکاماوە دلێمانە بەرۊ. گردوو فەرماندە ژەنەکاما، گردوو جەنگوانە ژەنەکا ئەندامۍ سەرمەشقێنێ. هامڕا سارا فیکر و ڕۊح و ڕێبازوو ژیوایش کەرد بە میراتیوە پەی گرد لایێ. ئێمەیچ پی ڕۊحەوە ئیساتۍ مرڎێنمۍ و ڕۊحوو ئادیشا جە ئێمە بەرزتەر کەرۊ. ئێمە بە ڕۊحوو هامڕا سارۍ و هامڕا لەیلۍ و هامڕا فیدانێوە، سەرکەوتەی مسۊگەر کەرمێ".