سەرەڕاو هجوومە ئەرەگیرکارییەکاو دەوڵەتوو تورکی بە بۊردومانی قورس، جە هەرێمەکاو پارێزنای مێدیاینە ساڵوەگێڵوو ٤٥ ساڵەو ئەرەمەرزنای پەکەکەی لوا ڕاوە.  

عەلەمەو پەکەکە، هەپەگە، یەژا ستاری یاگۍ مەراسیمە وەروازییەکەینە هەرێمەکاو پارێزنای مەدیاینە ورکریێبێنۍ. فرەو فەرماندەکاو هەپەگەی و یەژاستاری بەشدارۍ مەراسیمەکەی بێنۍ، کە بە دەیەقێوە ڕێزگێرتەی دەسش پەنە کەرد. میانەو مەراسیمەکەینە، یوە جە فەرماندەکاو یەژا ستاری، گوڵچین ئوموتە، قسێش کەرڎۍ و ئەرەیاوناش تارێخێوە، کە پەکەکەی بە تیشکەو وێش ڕۊسن کەرڎۊ یۊ بۍ جە پڕۊسە قورسەکاو گلێرگەو کوردستانی.

ئوموتە واتش، ڕابەروو گەلوو کوردی عەبدوڵڵا ئۊجەلان و ٦ هامڕێش یوەم هەنگامەو ئەرەمەرزنای ئی پارتەیشا، ڕوانۍ کە فاشیزموو تورکی ئجێش هیچ  چێوێشا بە نامۍ کوردی و کوردستانی و کۊشیای ئازادییوە  ناستەنۊ دەس پەنە کەرد و ئانا ئیساتۍ یاوان ملوێنان کەسۍ. ئوموتە واتش کە گەلاو جیهانی قۊناغوو ئیساتێنە دەوروو ئی کۊشیاینە یۊشا گێرتەن و سەرنجەش پەی بۊ دروشموو گلێڕگێوە یەکسانی و دیموکراتیکی و ئازادی کێشتە. ئوموتە ئەرەیاوناش:" وەختۍ موچێۊ ئێمە جگە جە ژیوای ئازاد هیچ ژیواێوە قبووڵ مەکەرمۍ، ئینە ئینا سەیەو پارادایموو ڕابەر ئاپۊینە."

ئوموتە ئەرماناش، کە دژوو هجوومەکاو دەوڵەتی فاشیستوو تورکی کە بە هامکاریی هێزە هەژموونگەرایەکا ملۊ ڕاوە جەنگ کەرا و باوڕشا بە ئایندێوە ئازادی سەروو خەتەو مدرامانیوە هەن و ماچۊ:"باوڕمان بە  گلێرگێوە ئازاد، یەکسانی و دیموکراتیکین، ئێمە ئارۊ ئینیشا یاڎوو دوژمنی وزمێوە، کە بە پڕوپاگەندەو جەنگی تایبەتی بانگەشەو ئانەیە کەرۊ پەکەکەشا ماڕان و کەسیچ نەمەنەن مدرامان کەرۊ؛ تا پی کەشایچۊ یەک کەس مەنۊ  و دڵش پەی ئازادیی کوردستانی و وەرکەوتوو دلێڕاسەی بدۊ وەنە، کۊشیای بەرڎەواما. مدرامان دژوو فاشیزمی چی کەشاوە مەمرڎۊ و قەت تەسلیمۍ مەبیمۍ. سەروو ئا بنەمێوە جەژنەو ژیوایوە گەلوو کوردی، وەنەو ڕابەر ئاپۊی و گردوو هامڕایا مەبارەکە کەرمۍ."

دماو وتارەکا بەدەیان گەریلۍ دەسشا بە ڕاپیمای کەرد و دروشموو "بژیوۊ سەرۊک ئاپۊ"ی و "بۍ سەرۊکی ژیوای مەبۊ"، "ژەنی، ژیوای، ئازادی" و "بژیوۊ پارتوو کرێکاراو کوردستان"یشا واتێوە.  

مەبارەکباییەکە بە ورپڕای دماییش ئاما.