گەشمەرڎە مزگینە شەنگالەنە بە گۆرانییەکاو ۋێش یاڎش کریاوە
هۆزان مزگینە جە ناوەنڎوو ستیا نەخشاینە جە شەنگال بە گۆرانیەکاو ۋێش یاڎش کریاوە.
شۆڕشگێڵنەو کوردی هۆزان مزگینە جە ٣٢ەمین ساڵیاڎوو گەشمەرڎەبیەیشەنە جە فرەو مەنتیقا کوردسانینە بە چالاکی هونەری یاڎش بەرزڕاگیریا.
هۆزان مزگینە پەی یووەم جاری شەنگالەنە جە تەرەفوو ژەنا ئێزدییوە یاڎش کریاوە. ناوەنڎوو کولتوری و هونەری ژەنا ئێزدی 'ستیا نەخشا' پەی بەرزڕاگێرتەو یاڎوو هۆزان مزگینۍ مەراسیمێوەش سازکەرد.
ئەنداماو ناوەنڎوو ستیا نەخشای بە واتەیۆ گۆرانیەکاو هۆزان مزگینۍ و ئا گۆرانیۍ جە بارەو ئاڎێوە وچیێبێنۍ، یاڎوو ئا هونەرمەنڎە شۆڕشگێڵنێشا بەرزڕاگێرت.
