مەجلیسو گەلو دویسبۆرگی، مەجلیسو ژەنا گەشمەرڏێ ئاسیا یوکسەلۍ و جەمەو بنەیانەو گەشمەرڏا-کۆماوی جە کەسایەتی موراد یوکسەلی (مەزڵوم) ینە کە جە ٩و کانوونو یوەمو ١٩٨١ ی دێرسیمەنە گەشمەرڏە بیی، پەی گەشمەرڏا مانگەو کانوونو یوەمی جە شارو دویسبۆرگو ئەڵمانیاینە مەراسیمێوە یاڏکەردەیۆ لواڕاوە.

یاڏکەردەیۆکەی جە مییانو جەمەو کوردی دیموکراتیکی دویسبۆرگینە لواڕاوە و وێنەو ڕابەر ئاپۆی و گەشمەرڏا  تەلارەکێنە هۆرواسیێ.

مەڕاسیمەکە بە دەیەقێوە ڕێزگێرتەی جە گەشمەرڏا ئازادی کوردەسانی دەسش پنەکەرد. دماتەر بە نامێ کۆماویۊ عەلی کۆنکورد و نوێنەرو ناڤ-یەکی حاجی چەلیک قسێشا کەردۍ.

مەراسیمەکە بە نیشاندای بەڵگە فیلمێوە سەرو گەشمەرڏا بەردەوام پی. یاڏکەردەیۆکەی بە بەرزکەردەیۆ دروشمەکا "گەشمەرڏە مەمرۆنە"، "بژیۋۆ مڏرامانو وەرنیشتی" و "بژیوۆ سەرۆک ئاپۆ" دمایش ئاما.