٦ شۆڕشگێڵنۍ و وڵاتپارێزۍ کە جە ٩و کانوونوو دووەموو ٢٠١٣ ی و ٢٢ۍ مانگەو ڕابڕان و ٢٠٢٢ ېنە جە پاریس گەشمەرڎۍ کریۍ، جە ناوەنڎوو جەمەو دیموکراتیکی کوردی شاروو شتوتگارتینە یاڎشا کریاوە.
نزیکەو ١٥٠ کەسا بەشدارۍ مەراسیموو یاڎکەردەیۆ گەشمەرڎا پاریسی بێنۍ جە شاروو شتوتگارتی جە ئەڵمانیا. یادەکە بە دەیەقېوە ڕێزگرتەی جە گەشمەرڎا دەسش پنەکەرڎ، نوێنەرەو یۆبیەی ژەنا کوردی جە ئەڵمانیا (یەژەکە-ئە) و نوێنەروو جەمەو بنەیانەو گەشمەرڎا قسێشا کەردۍ.
نوێنەرەو یەژەکە-ئە، هۊرسەنگنایش سەروو قڕکەردەکەو پاریسی کەردوو پی جۊرە واتش: "گەشمەرڎېما ساکینە جانسزە، فیدان دۆغانە، لەیلا شایلەمزە، ئەڤین گۆییە، میر پەروەری و عەبدوڵڕەحمان کزڵی، بە ڕێزۆ ویر مارمېوە و ماچمۍ بکوژەکاشا مشناسمۍ". دەوڵەتوو فەڕەنسایچ ئا کەسا عال مشناسۆ. گرڎ ساحیب ئشناسنامەو وېشانۍ. ئامانج تەنیا گەشمەرڎەکەرڎەو کەسایەتییە سەرمەشقەکان و پارچەکەردەی گلېرگەین و بێ سەرمەشق ئاستەیۊیشا بۍ. ئێمە پېسە گەلێوە عال ئاگاڎارۍ ئا جۆرە قڕکەردەینمۍ. ئێمە بکوژەکا مشناسمۍ. قەد چنەشا وەشۍ مەبیمۍ. گەشمەرڎەکېما هەمیشە ڕۊشنایی دڵی، هزر و سەرمەشقۍ کۊشیای ئازاڎیمانۍ".
جە بەشوو دمایی مەراسیمەکەینە کە، سەعات ١٦.٠٠ دەسش پنەکەرد، کوڵە فیلمێوە سەروو گەشمەرڎا پاریسی پێشکەش کریا.
هۆزان جومەرد، بە بەرهەمە شۆڕشگێڵنییەکاش، ڕەنگێوەتەرش بە مەراسیمەکەی بەخشا.
جە مەڕاسیمەکەنە بە بەردەوامی دروشمەکۍ "گەشمەرڎۍ مەمرا" و "ژەنی، ژیۋای، ئازاڎیی"وچیېوە.
جە مەراسیمەکەنە زیاتەر ژەنی و جووانۍ بەشدارۍ بێنۍ، حەتا سەعات ١٩:٠٠ بەردەوام بۍ.
