ساکینە جانسزە، فیدان دۆغانە، لەیلا شایلمەزە، ئەڤین گۆییە، میرپەرەوەر و عەبدولڕەحمان کزل کە جە هەردووە کۊکوشیەکەو پاریسینە تیرۆرکریۍ و سێوە دەمیر، پاکیزە نایر و فاتیمە ئۆیارە کە جە جەنگوو شارەکانە گەشمەرڎۍ کریۍ، تۆرۆنتۆنە یاڎشا کریاوە.
مەراسیمەکە بە دەیەقېوە ڕێزۋنەگێرتەی جە گەشمەرڎا و بە نمایشکەرڎەو بەڵگە فیلمێوە سەروو گەشمەرڎا کۊکوشی پاریسی و سلۆپی دەسشپنەکەرڎ.
جە مەراسیمەکەنە ئاماژە پانەی کریا، کە دەوڵەتوو فەرەنسای جە هەردووە کۊکوشیەکەی وەرپەرسا و پێویسا دادگاو فەرەنسای ئا دووە کۊکوشیە ئاشکرا کەرۆ. حەرپاسە داواو ئانەی کریا کە مشۊم دەوڵەتوو تورکی جە دادگای میان دەوڵەتینە دادگایی کریۆ.
دماتەر بە گۆرانیەکاو هۆزان دیاری و مەروان تانی، مەراسیمەکە دمایش پنە ئاما.
