گەشمەردە زیلانە مۆسکۆنە یادە کریاوە
گەشمەردە زیلانە ٢٨ ەمین ساڵیادوو گەشمەردەبییەیشنە مۆسکۆو پایتەختوو ڕوسیاینە یادە کریاوە.
ناوەندوو یانەو کوردوو مۆسکۆینە ٢٨ەمین ساڵیادوو چالاکییە فیداییەکەو زەینەب کناجی (زیلان)ێ، کە ساڵەو ١٩٩٦ دژوو دەوڵەتی تورکوو کەردش یاد کریاوە.
مەراسیمەکە بە دەیەقێوە ڕێزگێرتەی پەی یادوو گەشمەردا دەسش پەنە کەرد، دمایی سەرۆکوو ڕێکوزیایەکاو ژەناو کوردی ڕوسیانە، تارا قادرە سەروو ماناو ڕۆکەی واتش: "هامڕا زیلانە بە چالاکییەکەیش دوژمنش یاونانە، کە گەلەکەما تا ئاخر سەروو ڕاو ئازادییوە مدرامان مکەرۆ و نمازۆ هیچ کەسێو مافەکاش پاشێل بکەرۆ".
دمایی نامەو گەشمەردە زیلانێ پەی ڕابەروو گەلوو کوردی عەبدوڵا ئۆجالانی بە زوانی ڕووسی ونیاوە. دماتەر سینڤزیۆنێوە سەروو ژیوای گەشمەردە زیلانێ ونیاوە.
چالاکییەکە بە درووشموو "گەشمەردێ نمەمرا" و "ژەنی، ژیوای، ئازادی" دماییش ئاما.
