یۆبییەی ژەنە ئازاداو ئەلەگازێنە ٢٨ەمین ساڵیادوو چالاکییە فیداییەکەو زەینەب کناجی (زیلان)ێ ساڵەو ١٩٩٦ دژوو دەوڵەتوو تورکی، کۆبییەیوەش کەرد، مەیدانەکەنە ڕسموو ڕابەروو گەلوو کوردی عەبدوڵا ئۆجالانی و گەشمەردە زیلانێ ورواسیا. یادەکە بە دەیەقێوە ڕێزگێرتەی پەی گیانوو گەشمەردا دەسش پەنە کەرد.

 یادەکەنە، بە نامێ یۆبییەی ژەناو ئازادیی ناتالیان سابۆیانێوە، هامسەرۆکوو کۆمیتەو کوردستانی سیلۆ دربۆیان و تاتەو گەشمەردە ڕوکەن میلۆ، قسێشا کەردێ. تیشکە وزیا سەروو کەسێتی و چالاکییەکەو زیلانێو و وچیا: "جە کەسێتیی گەشمەردە زیلانێنە گردوو گەشمەرداو مانگەو حوزەیرانی یاد مکەرمێوە، گەشمەردە زیلانە پەی ئێمە خەتەو ئازادیی ژەنێ و گەلوو کوردینە".

هەرپاسە زارۆڵێوە بە نامێ زیلانێوە شیعرێش سەروو گەشمەردە زیلانێرە واناوە، یادەکە بە درووشموو "بژیوۆ سەرۆک ئاپۆ" و "گەشمەردێ نمەمرا" و "ژەنی، ژیوای، ئازادی" دماییش ئاما.