سەرۆکەو فراکسیۆنەو دەم پارتی گوڵستان کلیچ کۆچیگیتە جە پەرلەمانەنە کۆنگرێوە ڕۆنامەوانیش ئەنجام دا.

گوڵستان کلیچ کۆچیگیتە جە پراکتیزەکەردەی تاڵانکەردەو دەسەڵاتداری تا هرووژمەکا سەرو ئازادی و مافە سەرەتاییەکا، جە دەس سەرەرە گێرتەی شارەوانییەکا جە ڕاو قەیومیۆ تاوەکو کێشەو کوردی، چنین مژارێش هورسەنگنێ.

گوڵستان کلیچ کۆچیگیتە ئەوەکۆشای سەرو نامێ چارەسەری دیموکراتیکی پەی کێشەو کوردی یاڏ وستیمێ و واتش: "پەی گفتوگۆکەردەی سەرو ئی بابەتەیە جە ٤٢ شارانە چنی گەلی گلێرێ بیێمێ. مشۆم ئاماژە پانەیە بکەرمێ کە هیواو گەلەکەیما پەی ئاشتیی فرە بەهێزا".

واتیشش: "دیموکراسی بەبێ ئاشتی نمەبۆ. مەرجی سەرەتای دیموکراسی ئاشتیین و ڕاو ئاشتیش جە چارەسەری دیموکراتیکو کێشەو کوردینە ویەرۆنە. هەمیشە هەوڵمرەیمێ ئی حەقیقەتەیە واوەی بکەرمێوە".

گوڵستان کلیچ کۆچیگیتە ئاماژەش پانەیەدا کە گەل ئینا چەمەڕاو ئەرەیاونا مێژوویەکەو ڕابەر ئاپۆی و واتش: "چی دۆخەنە وەرپرسیارەتی تەنیا نییا ئەستۆو ئێمەنە؛ پەی جابەجێکەردەو ئاشتیی جە گلێرگەنە و پشتگیری پرۆسەکەی نامنیشانی سەرەکی پەرلەمانا. چێوە داوا مکەرمێ دەمودەس پەرلەمان ئەرکو وێش جابەجێ بکەرۆ".

کۆچیگیتە جە دماینە داواش جە پارتو سەرەکی ئۆپۆزسیۆنی کەرد کە ئاڏش لایەنگرو ئاشتیی بۆنە و واتش: "پەی ئەرەمەزنارەو ئاشتیێ گرڏما سودش چنە هورگێرمێنە، مشۆم گرڏما پێوەرە خەباتش پەی کەرمێنە".

گوڵستان کلیچ کۆچیگیتە جە دماینو قسەکاشەنە هرووژمەکێ دۆڵەتو تورکی سەرو ڕۆنامەواناش شەرمەزار کەرد و واتش: " عەزیز کۆیلوئۆغلو بە درۆن گەشمەرڏە کریا. مشۆم گرڏما پێوەرە جە دژو ئی عەقڵیەتەیە کە مافو ژیوای پاشێل مکەرۆ مردمێ