هاموەڵاتاو ئامەدی پەی ورچنییەی کاندیدەکاو دەم پارتی دەنگ مدا
پارتوو دیموکراسی و یەکسانیی گەلا ورچنیەیە هەرێمییەکانە ئامەد و شارۆچکەکاشنە کاندیدەکاش ورچنۆ.
ئامەد و شارۆچکەکاشنە دەنگدای گردین پەی ورچنیەی کاندیدە هەریمییەکاو دەم پارتی کریۆ.
شارۆچکەکانە، وەڵێ دەنگدای هاموەڵاتانە، کاندیدەکێ وێشا و پڕۆژەکێشا بە گەلی ئشناسێ.
کۆی گردی ١٥ کاندیدانە کە ٤ کەسێشا ژەنینێ، بەشداری بۆڕبۆڕانەو هامسەرۆکایەتیی شارەوانیی گەورەشاروو ئامەدی دەسش پەنە کەرد. تا وێرەگا نزیکەو ٢٠ هەزار دەنگدەرێ دەنگوو وێشا مدا.
دەنگدای جە ١٦ بارەگاو دەم پارتی ئامادەکارییش پەی کریان و هاموەڵاتێ سەروو ئا یاگا مدا.
فرەو شارەکایچەنە دما نیمەڕۆ دەوری دووەموو دەنگدای دەس پەنە کەرۆ.
