گەلاو سەرنیشت و ۋەرکۊتوو سوریای ماوەو ٣٤ ڕووان پەی پارېزنای بەنداوو تشرینی جە هرووژمە زەمینی و ئاسمانییەکا دۆڵەتو ئەرەگیرو تورکی و چەتەکا SNA، بە نۆبەت ئینۍ ئیشکگیرینە.

یاگۍ ئاماژەینە تا ئیساتۍ بە مەڵامەتوو هرووژمەکا سوپاو ئەرەگیرو تورکی و چەتەکاشۆ پەی سەرو بەنداوەکەی ٢٤ هاموڵاتیۍ مەدەنیۍ گەشمەڕڎۍ بیۍ و زیاتەر جە ٢٠٠ هاموڵاتیا تەریچ کە بە مەبەسو پارېزنای بەنداوەکەی چا جە ئیشکگیرینە بێنۍ زامڎارۍ بیۍ.

سەرەڕاو سەرداو سڵەوەی، هرووژمی ئاسمانی و زەمینی جە دەوروبەرو بەنداوەکەینە، جە گرڎو تەمەنەکاوە بە جۆش و خرۆشێوە بەرزۆ چالاکی ئیشکگیریی بەنداوەکەی بەردەواما.

ئارۆ بە دەیان کەسۍ جە شارەکا حەسەکە، تل تەمر، دربێسی، تل براک و شەدادەوە پەی هۆرگێرتەی نۆبەتو ئیشکگیریی مڎرامانی لوۍ پەی بەنداوو تشرینی و ئێشکگیریەکەشا جە گەلوو کۆبانێ و دەوروبەری کە ماوەو ٦ ڕووان بەردەواما هۆرگێرت.