کۆمیتەو ئەورووپاو هەبەدەهەی بە بۆنەو ساڵڕۆو مدرامانوو کزڵدەرەیۆ ئەرەیاوناێوەش وەڵا کەردۆ و واتش، "کزڵدەرە تارێخو یۆبییەی و فیداکاریی شۆڕشگێڵنانەین، پێویسا هێزەکاما پەی کۆشیا یۆ وزمێ پەی وەڵێ بلمێ."
گردو ئەرەیاونیاو کۆمیتەو هەبەدەهەو ئەورووپای بە بۆنەو ساڵیادو مدرامانو کزلدەرەیۆ ئینەنە:
"کزلدەرە؛ ئا تارێخەنە کە بەرزتەرین نموونەو یۆبییەی شۆڕشگێڵنانە، فیداکاری و ڕۆحی فیداییبییەی شۆڕشیشآ بە هامڕایا و شۆڕشگێڵنا بەخشان."
درێژەو بەیاننامەکەوهەبەدەهەینەینە وچیان، کزلدەرە تەنانەت بە مەردەیچ، بە قەرارۆ دژو فاشیزمی مرداوە، کزلدەرە ئا مدرامانەنە کە پەیامو 'ئێمە پەی گێڵایوە نامێنمێ وێگە، بەڵکوم پەی بۆ مەردەی ئامێنمێ جوابوو ئەفسەراو سوپاو تورکینە، کە داواو 'تەسلیمبییەی'یشا کەردیبێ، جواب دێوە. مدرامانو کزڵدەرەی نامێ ئا مدرامانەینە کە لاو سەرمەشقەکا THKO دەنیز گزمیش، یوسف ئاسڵان، حوسێن ئینان، ماهیر چایانیوە چەنی دە هامڕایا دژو فاشیزمی نویسیان.
ئەرەیاونایەکەنە پەیامو وەرفراوانکەردەی مدرامانی دژو حکوومەتی فاشیستی ئاکەپە-مەهەپەی دریان و وچیان، "ئیساتێ بە پڕۆسێوە چانەرە ویەرمێ، کە سیاسەتو دلێنەبەردەی، ئینکاری و کۆکوشی دژو کوردی یاوان قەلاپۆپە" پێویسا پێسەو شۆڕشگێڵن و دیموکرات و پێشکەوتەیوازی هێزەکاما پەی کۆشیاێوی گەورەتەری وزمێ یۆ."
