کۆمیتەو ڕاوەبەری جمیەری شۆڕشگېڵنی یۊگېرتەو گەلا (هەبەدەهە)ی جە بارەو چالاکییەکاو جەنگاوەراو هەبەدەهەی و جمیەروو شۆڕشگېڵنی یۊگێرتەی ژەنا(کەبەدەهە)ی جە ساڵەو ٢٠٢٣ېنە ئەرەیاۋنېوەش وەڵا کەردۆ.

جە ئەرەیاۋناکەینە ئامان کە جەنگاوەرەکېشا جە ساڵەو ٢٠٢٣ېنە ١٦٠چالاکیېشا جە سەرنیشتوو کوردسانی و تورکیاینە ئەنجامدېنۍ.

جە ئەرەیاۋناکەینە ئاماژە پانەی کریان، ساڵەو ٢٠٢٣ ساڵێوە بە ئیراڎۍ بیېنە جە جەنگ دژوو فاشیزمی و جە ساڵەو ٢٠٢٤ ینە ماچۆ،"ئێمە جوواب و گرڎ جۆرە هجومېوە فاشیزمی مڎەیمېوە، ساڵەو ٢٠٢٤ کەرمۍ بە ساڵەو دلېنەبەردەو فاشیزمی، ساڵەو ٢٠٢٤ بۊ پا ساڵۍ کە دروشمەو 'دلېنەبەردەو فاشیزمی و سەرکۊتەی ئازاڎیی' کۊشیای ئاخېزوو یۊگێرتەو گەلا، جە گرڎ یاگېنە بەرز کریۊوە، ئێمە ۋنەپەرسایۆ کەرمۍ، جەنگ کەرا و سەرکۊتەی بەدەس مارا.

جە ئەرەیاۋناکەینە ئاماژە پانەی کریان کە جە ساڵەو ٢٠٢٤ ینە کۊشیایشا جە کارگە، جاڎە و یاگە حکومییەکانە دژوو فاشیزمی زیاتەرۍ با و ئەرەیاۋناش:"ڕژێموو فاشیستی ئیتر جە گرڎ یاگېنە وینۊما. ئێساڵیچ چەمشا بە جەنگاوەراو ئاخېزوو یۊگېرتەو گەلا گنۆ، ئەگەر شۊنەو  ئێمەیچەرە گېڵا، ئا ئێسەی بە گەلەکەیماشا دان ویرشا وزمېوە. ساڵەو ٢٠٢٤ ی ساڵێوە پەڕ جە تەرسی و تۆقنای بۆ  پۍ دەسەڵاتی فاشیستی و ساڵێوە پەڕ جە هیوا بۆ پۍ گەلەکەیما".