ئێشکگیری ئازادی جە ٢٥و حوزەیرانو ٢٠١٢ینە جە لایەنو دەس وەڵێ وستەی ئازادی پەی ڕابەر ئاپۆی جە شارو ستراسبۆرگو فەرەنساینە دەسش پنە کریان. پەی حەفتەو ٦٦٠و چالاکییەکەی گرووپێوە ئیشگیرییەکەشا هورگێرت.

چالاکی ئێشکگیری جە حەفتەو ٦٦٠ینە وێشەنە جە لایەنو گرووپێوە جە کوردەسانیا کۆڵانەو ڤیلیرس لی بیلی پاریسینە ئیشگیریشا هورگێرت. گرووپەکە سەرو نامێ مییانو گلێرگەو کوردی دیموکراتیکی ئیشگیریشا هورگێرت پێکئامێ بێنێ؛ دەمهات ئەرسەلان، موستەفا فوقران ئاچکیل و ئیسماعیل جۆشکون کنجال.

سەرو نامێ گرووپەکەی، ئیسماعیل جۆشکون کنجال قسێش کەردێ و ئاماژەش پانەیەدا گەلوو کوردی بە چالاکی و مڏرامانیشا ئامانجەکا پیلانگێڵی ٢٦ ساڵێن بەتاڵ مکەراوە و واتش: "ئازادی گەلوو کوردی وابەستەو ئازادی ڕابەرایەتییا. چالاکییەکێما بەردەوامێ بانە تا مسۆگەرکەردەو ئازادی ڕابەر ئاپۆی و مردناو هرووژمە ئەرەگیرییەکا دۆڵەتو تورکی."

جە قسەکاشەنە کجنال داواش جە گەلوو کوردەسانی کەرد، ١٥و شوباتینە جە ستراسبۆرگەنە گرڏما پێوەرە بە بەهێزییۆ هاواریو ئازادی وێما کەرمێنە و ئازادی ڕابەر ئاپۆی مسۆگەر بکەرمێ