دەوڵەتوو ئەرەگیروو تورکی جە وەختوو هجومەکاشەنە پۍ سەروو هەرێمەکەی جە ٢٣-٢٥و ڕابڕانیەنە، ٥ وەننگێش جە کانتۆنوو جزیرەینە بۆردومان کەردۍ. بەپاو ئەرەیاۋنای لوجنەو پەروەردە و فێرکەردەی ۋێڕاوەبەری دیموکراتیکوو سەرنیشت و ۋەرکەوتوو سوریای جە ٢٨ و ١٢ و ٢٠٢٣ێنە، ٧١٢ وەننگۍ جە کانتۆنەکا جزیرە، فورات و عەفرینی - شەهباینە مردێنۍ. جە ئاکامەنە ٨٩ هەزارۍ و ٤١٨ خۊنکارۍ جە وەنای بێبەشۍ بیێنۍ. ئەگەر هجومە ئەرەگیریەکۍ بەردەوامۍ با، پەروەردە جە سەرنیشت و ۋەرکەوتوو سوریاینە گنۊ مەترسییۆ.

حسێن عەلی جە لوجنەو پەروەردەو قامیشلۆی ئەرەیاۋناش، هجوموو دەوڵەتوو ئەرەگیری تورکی بەردەوامیش هەن و ماچۆ: " جە عمروو ٣ساڵیوە تا ١٦-١٧ ساڵان خۊنکارۍ هەنۍ، زارۊڵۍ جە ڕەوزۆ تا ئاماڎەیی ملانۍ پۍ ۋەننگەکا، هجومەکۍ کاریگەری خراپشا هەن". زارۊڵۍ تەرسانە. فراوان بیەی هجومەکا بنەیانەکایچ نیگەران کەرۆ. چونکی مەزانیۆ کەی و جە کام وەننگەنە هجوم کریۆ. پۊکەی ناچارێنمۍ جارۍ وەننگەکا وزمێرە".

بە ناچاری ئیسراحەتما ئەرەیاۋنا

حسێن عەلی ویرش ئارڎۆ کە بەمەڵامەتوو هجومەکا مانگەی ویەردێوە، وەننگەکۍ پۍ ماوەو نزیکەو حەفتێوە مردۍ و واتش: " بەمەڵامەتوو هجومەکا مانگەی ویەردێوە ١٠٠ هەزار خۊنکارۍ جە وەنای مەحرومۍ بیۍ. ئینە کاریگەری سەروو گەشەو زارۊڵاوە منیۊرە ".

هەرمانەو پەروەردەی جە وەننگاکانە مردان

بێریتان قادر عەلی-ە تەمەن ١٧ ساڵانە ملۊنە پۆلوو ١٢ی ئاماڎەیی جە وەننگەوگەشمەرڎە شەڕڤانی جە قامیشلۆ. بێریتانە واتش:"چی وەختەنە کە باس جە هجومەکا دەوڵەتوو تورکی کەرمۍ پۍ سەروو وەننگەکا، دەوڵەتوو تورکی هجومکەرۆ سەروو دەوروبەریما، دەنگوو ئەوەتەقایۊکا مژنەوییا. بەمەڵامەتوو ئا هجوماوە پەروەردە مردان. تەنانەڎ هجوم کەرۆ سەروو وەننگەکا".

 جە وەنای جیامەنمۍ

ئازرین ئیبراهیم ڕەمەزان-ە تەمەن ١٢ ساڵانە جە وەننگەوگەشمەرڎە شەڕڤانی جە قامیشلۆ پۆلوو حۆتی بنەڕەتینە موانۆ. ئازرینە واتش: "بەمەڵامەتوو هجومەکا دەوڵەتوو تورکیوە ناچارێنمۍ جە پەروەردەنە مردمۍ، سیستموو وەنایما تووشوو کێشەی ئامان، ۋەروو ئانەی دماکۊتێنمۍ جە وەناینە، پۆلەکېما شلۊقێنۍ، مامۆساکێما مەتاوا پەروەردێوە عال بڎا".

وەننگەو ژمارەو خۊنکارا

جە سەرنیشت و ۋەرکەوتوو سوریای ٤١ هەزارۍ و ٨٦٧ مامۆسۍ و ٨٩٠ هەزارۍ و ٨٦٠ خۊنکارۍ هەنۍ. ژمارەو ئا وەننگا کە دەردەو وەنای موەرا ٤ هەزارۍ و ١٦٠ وەننگێنۍ، ژمارەو ئە وەننگا کە ئیتر مەتاویۆ ئیسفاڎەشا چنە کریۆ ١٥٥ وەننگێنۍ، ژمارەو ئا وەننگا کە متاویۆ نیمە بە نیمە بەکاربەیا ٢١٦ وەننگێنۍ. بەپاو کانتۆنەکا ئی ژمارە پی جۊرەنە:

* کانتۆنوو ڕەقەی: ژمارەو مامۆسایا ٥ هەزارۍ و ٧٦٤، ژمارەو خۊنکارا ١٢٥ هەزارۍ و ٧٣کەسۍ، ژمارەو ئا وەننگا کە دەردە موەرا ٤٠٣ وەننگێنۍ، ژمارەو ئا وەننگا کە مەتاویۆ ئیسفاڎەشا چنە کریۆ ٤٧ وەننگێنۍ، ژمارەو ئا وەننگا کە دەردە موەرا کە نیمە بە نیمە ٥٠ وەننگێنۍ، ژمارەو ئا وەننگا کە پەنەوازشا بە ئاوەڎانکەردەیۆ هەن ١٥٢ وەننگێنۍ.

* کانتۆنوو فوراتی: ژمارەو مامۆسایا ٣ هەزارۍ و٤٨٤ مامۆسۍ، ژمارەو خۊنکارا ٦٦ هەزارۍ و ٩٣٧ خۊنکارێنۍ، ژمارەو ئا وەننگا کە دەردە موەرا ٥٧٩ وەننگێنۍ ، ژمارەو ئا وەننگا کە مەتاویۆ ئیسفاڎەشا چنە کریۆ ٢٢، ٣ وەننگۍ کە بەشێشا بەکارمۍ، ژمارەو ئا وەننگا کە پەنەوازشا بە ئاوەڎانکەردەیۆ هەن ٢٢ وەننگێنۍ.

* کانتۆنوو دێرازۆری: : ژمارەو مامۆسایا ٧ هەزارۍ و٩٢٣ مامۆسۍ ، ژمارەو خۊنکارا ٢٦٥ هەزار و ٤٦٣ خۊنکارێنۍ، ژمارەو ئا وەننگا کە دەردە موەرا ٧٤٥ وەننگێنۍ، ژمارەو ئا وەننگا کە مەتاویۆ ئیسفاڎەشا چنە کریۆ ٣٣ وەننگۍ ، ژمارەو ئا وەننگا کە دەردە موەرا کە نیمە بە نیمە ١١٥ وەننگێنۍ.

* کانتۆنوو جزیرەی: ژمارەو مامۆسایا ١٦ هەزارۍ و ٦٠٨ مامۆسۍ، ژمارەو خۊنکارا ١٩٩ هەزارۍ و ٨٩١ خۊنکارێنۍ ، ژمارەو ئا وەننگا کە دەردە موەرا هەزار و ٧٨١ وەننگێنۍ ، ژمارەو ئا وەننگا کە مەتاویۆ ئیسفاڎەشا چنە کریۆ ٣٠ وەننگێنۍ، ژمارەو ئا وەننگا کە بەشێشا بەکارمۍ ١٨ هەزارۍ و ٨٠٠ وەننگێنۍ. ١٥ وەننگۍ قەرارا ئاوەڎانۍ کریاوە.

* عەفرین-کانتۆنوو شەهبای. ژمارەو مامۆسایا ٩٤٣ مامۆسۍ، ژمارەو خۊنکارا ٥٢ هەزارۍ و ٣٨١ خۊنکارێن، ژمارەو ئا وەننگا کە دەردە موەرا ٦٣ وەننگێنۍ ، ژمارەو ئا وەننگا کە مەتاویۆ ئیسفاڎەشا چنە کریۆ ٣ وەننگێنۍ ، ژمارەو ئا وەننگا کە بەشێشا بەکارمۍ ١٠ وەننگێنۍ ، ٢ وەننگێچ پەنەوازشا بە ئاوەڎانکەردەیۆ هەن.

* کانتۆنوو منبجی: ژمارەو مامۆسایا ٥ هەزار و ٢٦٢ مامۆسۍ ، ژمارەو خۊنکارا ١٢٦ هەزارۍ و ٥٦١ خۊنکارێنۍ ، ژمارەو ئا وەننگا کە دەردە موەرا ٣٥٠ وەننگێنۍ ، ژمارەو ئا وەننگا کە مەتاویۆ ئیسفاڎەشا چنە کریۆ ٤ وەننگێنۍ، ژمارەو ئا وەننگا کە بەشێشا بەکارمۍ ١ وەننگەن ،  وەننگێچ پەنەوازشا بە ئاوەڎانکەردەیۆ هەن.

* کانتۆنوو تەبقای: ژمارەو مامۆسایا هەزار و ٨٨٣ مامۆسۍ ، ژمارەو خۊنکارا ٥٤ هەزارۍ و ٥٥٤ خۊنکارێنۍ، ژمارەو ئا وەننگا کە دەردە موەرا ٢٣٨ وەننگێنۍ ، ژمارەو ئا وەننگا کە مەتاویۆ ئیسفاڎەشا چنە کریۆ وەننگێنۍ ، ئا وەننگۍ کە نیم بە نیم بەکارمەیا  وەننگێنۍ، ١٠ وەننگێچ پەنەوازشا بە ئاوەڎانکەردەیۆ هەن.