هجوومە ئەرەگیرکارییەکاو دەوڵەتوو تورکی نیکۊسیانە شەرمەزارۍ کریۍ
کوردۍ و دۊسەکێشا هجوومە ئەرەگیرکارییەکاو دەوڵەتوو تورکیشا پەی سەروو سەرنیشتی و وەرکەوتوو سوریای نیکۊسیاو پایتەختوو قوبرسینە شەرمەزار کەردێ.
هجووموو دەوڵەتوو ئەرەگیرکەروو تورکی سەروو وەرنیشت و سەرنیشتوو سوریای پایتەختوو قوبرسینە، بە سەرمەشقایەتیی نوێنەروو پەیەدە-و قوبرسی و ناوەندوو چاندی کوردی توفیلۊس شەرمەزارۍ کریێ.
بەشداربیۍ چالاکییەکەی وەردەموو وەزارەتوو دلۍ نیکۊسیاینە کوۍ بیێوە و بە ورگێرتەی پۊستەروو ڕابەروو گەلوو کوردی عەبدوڵا ئۊجالانی و ئاڵاو یەپەژەی و پەیەدەیۊ بەرەوە باڵیۊزخانەو ئەمریکای لوۍ و وەختوو لواکەیشانە، خەڵکوو قوبرسی بە چەپڵەدایوەنە پەشتیشا گێرتێ.
دماتەر نوێنەروو پەیەدەی چەمش کەوت بە باڵوێزوو ئەمریکای، باسوو هجووموو دەوڵەتی ئەرەگیرکەروو تورکیینە، دۊسیێوەش دا دەسوو باڵوێزوو ئەمریکایۊ.
دماو چەمپەنەکەوتەکەی نوێنەروو پەیەدە-و قوبرسی، یاسین تەربوش قسێش کەردۍ و بەرش وست، کە گرد کەسێوە خاوەنداری جە وەرنیشتی کەرۊ.
دماتەر چالاکۍ بەرەوە کونسوڵخانەو ڕوسیای لوۍ لوۍ و وەردەموو باڵێوزخانەینە کوۍ بیێوە. نوێنەروو پەیەدەی هەوڵۍ چەمپەنەکەوتەیش دێ، وەلۍ کاربەدەساو باڵوێزخانەو ڕووسیای ڕەتشا کەردۊ.
