حکومەتوو عێراقی وەروو ئا هجوومە درۆنییەی بەغڎانە ڕووەش دا، ئەنجامنە ٢ کەسێ کوشیێ کە یۆ جە کۆشیایەکا فەرماندێوە پلەبەرزوو حەشدی شەعبیین، هامپەیمانێتیی میاننەتەوەی دژوو داعشیش بە وەرپەرس نیارە.
قسەکەروو سەرۆکوەزیرانوو عێراقی یەحیا ڕەسوڵ جە ئەرەیاوناێوەنە دیارییش کەرد و واتش: " هێزەکاو هامپەیمانا بە وەرپەرس مزانمێ هجوومەکەنە".
ڕەسوڵ زیادبییەی هجوومە درۆنییەکاش بە خۆناک دێ قەڵەم.
هجوومە درۆنیەکەو ڕۆو پەنج شەممەینە، ٢ ئەندامێ جمیەروو 'ئەل نوجەبا'و سەر بە حەشدی شەعبی کوشیێ و ٧ کەسێچ بریندارێ بیێ.
سەرچەمە ئەمنیەکاو عێراقی واتشا، کە یاگەداروو فەرماندەو ئۆپراسیۆنەکاو بەغڎای موشتاق تالیب ئەلساعیدی ئینا دلێ کوشیایەکانە.
