ئەنجوومەنو بنەیانەو گەشمەرڎا شارو حەلەبی پەی ئازاڎیی بەڎەنی رابەر ئاپۆی ڕاپیمایۍ ۋەرفراوانشا رێکوست. بەهەزاران بەشدارۍ ۋەردەمو تەلارەو 'هەشتو ئادار' گلېرۍ بیێوە و ڕاپیمایشا کەرڎ.

جە ڕاپیماکەینە بەشدارا وێنەو رابەر ئاپۆی، ئاڵاو ئەنجوومەنو بنەیانەو گەشمەرڎا و چڵە زەیتوونشا بەرزکەردۆ کە سیمبوڵو ئاشتییا.

بەشدارا دماو گێڵایشا دلۍ کۆڵانەکا گەڕەکەو شێخ مەقسوودینە نزیک بە بارەگاو تەڤگەرو گلېرگەو دیموکراتی (تەڤ-دەم)ـی جە ۋەرکۊتوو گەڕەکۊو شێخ مەقسوودینە مردۍ.

چا ئەندامو ئەنجوومەنو بنەیانەو گەشمەرڎا محمد شێخ قەنبەر کە تاتەو گەشمەرڎە جودییا و واتەواچەو دەسوەڵێوستەی ئازادیی رابەر ئاپۆی ئامینە خدرۆ کە ئەڎاو گەشمەرڎە شۆڕشینە، قسێشا کەردۍ.

محمد قەنبەر باسش چانەیە کەرڎ، هامدەنگیی بەردەوامی گەلی جە سەرەتاو پیلانگێڵنیی مېیاندەوڵەتییوە دژو رابەر ئاپۆی و وەڵۍ ئانەیچ، پاسشە کەرڎ کە ئا گفتوگۊیۍ پەی بەدەسئارڎەی مافەکا گەلو کوردی پێک مەیا، برەوشا پنە بڎریۆ.

قەنبەر ئاماژەش پانەیچ کەرڎ کە رابەر ئاپۆ جە ڕاو ئایدۆلۆژیا و فەلسەفەکەیشۊ سەبارەت بە ئازادیی گەلا، تاوابێش زینانو ئیمڕاڵی بکەرۆ بە سۆنگێوە پەی سەرنجی ئازادی و بەدەیان کتێبۍ بنویسۆ کە دژمنی وزا بەرەی دۊڕیاو هامکێشەکەیۆ.

ئامینە خدرۆشە ئەرەیاۋناش، گەل هەڵای پابەڼنا پا قەولەی کە رابەر ئاپۆ دانش، کە پڕۆسەو دیموکراسیی ناوچەکەی بیاونۆ ئەنجام.

ئامینە خدرۆ رابەر ئاپۆش بە 'کەشتی نوح'ی وەسف کەرد، کە ناوچەکەی جە کارەساتی دژواری و ئا کێشا رزگار مکەرۆ کە رووبەڕووش باوە.

ئامینە جە دمادمایی قسەکاشەنە ئاماژەش پانەی کەرد کە کاتێ رابەر ئاپۆ حەڵەبەنە بیەن، سەرنجو ئازادی ۋێش دلۍ گەلێوەنە بەهێز کەرد، کە جە جیلێوە پەی جیلېوەتەری فاڕاشۆ.

چالاکییەکە بە دروشمەکا سڵام جە ئەوەکۊشای رابەر ئاپۆی جە ئیمڕاڵی و داواو ئازادکەردەی بەڎەنی ئاڎیی دمایش ئاما.