تەڤگەروو ئازادیی کوردستانی بە سەرمەشقایەتیی پەکەکەی ١٥و ئابوو ١٩٨٤ینە چالاکیی چەکدارییش دەس پەنە کەرد، ئینەیچ جە تارێخوو کۆشیای ئازادی گەلوو کوردینە مانێوە فرێش هەنە، کە ئینە تەنیا چالاکیێوی چەکداری نەبێ، هاموەخت قۆناغوو هۆشیاربییەیوە گەلوو کوردی بێ. ماوەو ٤٠ ساڵا ملوو ئی هەڵمەتێرە مویەرۆ، کە بە پلانەو ڕابەروو گەلوو کوردی عەبدوڵا ئۆجالانی و سەرمەشقایەتیی فەرماندە عەگیدی بە تەقنای ئەوەڵ فیشەکی ڕووەو ئەرەگیرارە دەسش پەنە کەرد. پێوەس بە گرنگی و کاریگەریی هەڵمەتەکێوە، سیاسەتمەدار موحەرەم ئارال پەی ئاژانسینا قسێش کەردێ و باسوو گرنگی و کاریگەریی هەڵمەتەکێش کەرد سەروو گەلوو کوردی.

'ڕابەر ئاپۆ گەلوو کوردیش ڕێک وست'

سیاسەتمەدار موحەرەم ئارال ئەوەڵوو قسەکاشنە ئاماژەش پانەیە دا چالاکیی چەکداریی ١٥و ئابوو ١٩٨٤ی لەسەرەتای قسەکانیدا ئاماژەی بەوەدا چالاکی چەکداری ١٥ی ئابی ١٩٨٤  پەی گەلوو کوردی گرنگیێوی تارێخییش هەن و واتش:" کۆلۆنیالزموو تورکی بە درێژایی تارێخوو وێش سیاسەتوو قڕکەردەیش سەروو کوردیرە سەپنان، چا وەختایچەنە چندین سەرەوردایێ سەرەشا وردا، بەڵام وەروو ئانەیە کە هیچکامسا ڕێکوزیێ نەبێنێ نەتاواسا بەردەوامێ با، بەڵام رابەر ئاپۆ بە دەسەواجەو ' کوردسان ئەرەگیر کریان' رووەو ئەرەگیر او دوژمنارە مرداوە و کەردش بە ئەوەڵوو ڕێکوستەی گەلوو کوردی، پەوکای هەڵمەتەو ١٥و ئابی گرنگیێوی تایبەتش تارێخوو کوردینە هەن."

'زیندەیی پارادیموو ڕابەری سەبەب بێ'

ئارال کە ساڵەو  ١٩٨٣ێنە دۆڵەو بیقاعینە بییەن، ئاماژەش پانەیە دا کە چا سەردەمەنە، بڕێو جەنگەوانێ ئازادیی پەی کۆشیای چەکداری  پەروەردەی سەروازی و هەم پەروەردەی سیاسی ورگێرێنێ و واتش:"  چا وەختانە ڕابەر ئانەش دەسنیشان کەرد، کە چەنی دەسپەنەکەردەی کۆشیای چەکداری ناتۆ دەسوستەینە مکەرۆ، حەر پاسەیچ بێ، چەنی دەسپەنەکەردەی شۆڕشی چەکداری بە سەرمەشقایەتیی فەرماندە عەگیدی دژوو ئی کۆشیایە ناتۆ گرد پەشتگیریێوە ماددی و سەروازییش پێشکەشوو دەوڵەتوو تورکی فاشیستی کەرد.

دماو دەسپەنەکەردەی هەڵمەتەو ١٥و ئابی شارە گەورەکاو تورکیاینە چندین کادرێ گەرەکشابێ بەشداریی کۆشیای ئازادیی بکەرا، سەبەبوو ئینەیچ پەی زیندەیی پارادایمەکاو ڕابەرێ گێڵێوە. پا هەڵمەتێ کە تەڤگەروو ئازادیی کوردی ١٥و ئابوو ١٩٨٤ینە کەردەش کوردسان و بەریچۆ گەرەکشابێ بەشدارێ تەڤگەروو ئازادیی کوردسانی با. پەوکای چا قۆناغەنە دەوروو تەڤگەروو ئازادیی کوردسانی، تەنیا هەنگامەی چەکدارییە نەبێ، ئامانجش پارێزنای مافت کەلتووری و سیاسیی کوردایچ بێ، پێسە هەم دەوری چەکداری و هەم پارێزنای زونی و کولتووریش دی، ئینەیچ وەراوەروو ڕژێمی چەوسنەروو ئا سەردەمینە بی بە یاگێ باوڕوو گەلوو کوردی."

'ژەنی بیێ بە سەرمەشقێ مدرامانی و کۆشیای'

ئارال سەرەننجەش وستە سەروو دەوروو ژەناو کوردی جە کۆشیای ئازادیینە و واتش:" کۆشیای بنەڕەتیی تەڤگەریما کۆشیای ژەنان. هامڕا ساکینە جانسزە زیندانوو ئامەدینە مدرامانش دەس پەنە کەرد، کە نموونێوی جوان و گرنگ بێ جە کۆشیایما. ژەنی نەک تەنیا پێسەو جەنگی هاموەخت بناغەو ئایدۆلۆژیی تەڤگەریشا قەوەت کەرد، پەوکای ئیساتێ تەڤگەروو ژەنا بییەن بە سەرچەمەو ڕزگاریی ژەنا و گردوو جیهانیوە ژەنی بەشداریی کۆشیای ئازادی مکەرا. پەوکای ڕابەر ماچۆ سەدەو ٢١ سەدەو ژەنێن."

'بە گەنجی دەسما پەنە کەرد و بە گەنجیچ سەرێ مگنمێ'

ئاخروو قسەکاشنە سیاسەتمەدار موحەرەم ئارال ئاماژەش بە گرنگیی پەنەوازیی ڕێکوستەی گەلوو کوردی گردوو لایەنەکاوە کەرد و واتش:" ئینایمێ قۆناغێونە پەنەوازیی کۆشیای جە گرد وەختێ گرنگتەرا، پەوکای پەنەوازا گردو لایەنەکاو چەکداری، چاندی، سیاسی و کۆمەڵایەتییوە زیاتەر بگنمێ وەڵێ. ئینەیچە بە مدرامان و ڕیکوستەی و ئازادیی فەراهەم مبۆ،پیسە ڕابەری واتش' بە گەنجئی دەسما پەنە کەرد و بە گەنجی سەرێ مگنمێ' پەوکای ئارۆنە ماناو هەڵمەتەو ١٥و ئابی جە گرد وەختێ زیاتەرا."