واتەواچا هەڵمەتۊو 'ئازاڎیی پەی عەبدوڵا ئۆجالانی، چارەسەری سیاسی پەی پرسو کوردی' سەرنجشا وست سەرو پرۆسەو چارەسەری ئیساتۍ و پەی ئازاڎی ڕابەر ئاپۆی داواو بۆ ۋەرفراوانتەرکەردەی هەڵمەتۊو ئازاڎیشا کەرڎ.
جە چوارچێوەو چالاکییەکاو شەرمەزارکەردەی پیلانگېڵنی مېیاننەتەوەیینە کوردۍ و دۊسەکېشا چڼین چالاکیۍ ئەنجام مڎا. جە بارەو ئا پرساوە واتەواچا هەڵمەتۊو 'ئازاڎیی پەی عەبدوڵا ئۆجالانی، چارەسەری سیاسی پەی پرسو کوردی' زوبەیدە زومروتە، خاتیب دیجلە و سینان ئۆنال پەی ئاژانسیما قسێشا کەرڎۍ.
چارەسەری بە ئازاڎیی ڕابەر ئاپۆی مۍ ئاراوە
خاتیب دیجلە: جە ١٦و شوباتینە تۆڕەو مېیاننەتەوەی 'ئازادی پەی عەبدوڵا ئۆجالانی' جە پەڕلەمانو ئۊروپاینە ئەرەمەرزیا، دماتەر چڼین تۆڕۍ تەرۍ کۆمەڵایەتی و ڕۆنامەوانیۍ پەی هەمان مەڵامەتی ئەرەمەرزیۍ. چالاکییەکۍ پەی ئازادی جەسەیی ڕابەر ئاپۆی لوۍ ڕاوە. پەی یاوای بە ئامانجی سەرەکی و کاریگەری وەشکەردەی سەرو تورکیای، پەنەواز بە ۋەرفراوانتەرکەردەی هەڵمەتەکۍ مکەرۆ. پەی گرڎ لێوە ڕۊشن بیەنۆ چارەسەری بە ئازادی جەسەیی ڕابەر ئاپۆی مۍ ئاراوە.
ناچاربیەی تورکیای دەرەنجامو هەڵمەتەکێن
زوبەیدە زومروتە: دۊڵەتو تورکی بە مەڵامەتوو کاریگەری هەڵمەتەکێوە ئیتر نمەتاوۆ حەقیقەتو گۆشەگیری پەردەپۆش بکەرۆ. پۊکەی ناچار بی دماو ٤٩ مانگا ڕا بە دیدارو ئیمراڵی بڎۆ. نەخشەڕاکەو ڕابەر ئاپۆی ئانەی نیشانە مڎۆ کە ئازادی و چارەسەری ئاشتی گرڎ پێوەسێنۍ پېوەرە.
ئەوکۊشایما فرە لایەن بکەرمۍ
سینان ئۆناڵ: بێگومان گەلاو کوردەسانی جە گرڎ ڕوێوە چالاکیشا بیەن، پەی بەردەوام بیەی و کاریگەرتەربیەی هەڵمەتەکۍ پەنەوازا واڕمێش پەی جمېیەرۍ کۆمەڵایەتی. پەنەوازا کۊششی یاسایی جە دژو پیلانگێڵنی گېرمێنە ۋەر. ڕووەدایە سیاسییەکۍ ئاماژە پانەی مڎا کە ساڵۊو ٢٠٢٥ ساڵێوە گرنگەنە. پەی یاوای بە مەرامو ۋێش پەنەوازا جە گرڎ کات و شۊنێنە چالاکیی هەڵمەتەکۍ ۋەرفراوانتەر بکەرمۍ.
