کاریگەرییەکۍ سیاسەتەکاو 'لکنای' سەرو پانیشتوو کورڎەسانی کە جە لایەنو دەوڵەتو تورکیوە بریۆڕاوە، بەردەواما. جە لێوە ئەرەنیشتۍ ئا ناوچا پانیشتوو کورڎەسانی بە زۆرەملێ ئاوارۍ مکریا، جە لېوەتەرۆ دەوڵەتو تورکی خێرایی زیاتەرش دان بە ئەرەمەرزنای بنکە و بارەگای تازۍ سەروازیۍ. یۆ چا مەڵامەتا کە دەوڵەتو تورکی جە کورڎەسانەنە بە گرڎو ئاسودەیی ۋێشۆ تەراتێنو کورڎەسانی مکەرۆ، سیاسەتەکۍ پەدەکەی و ئا کۆمپانیایێنۍ کە چېرخان و هامکاری لۆجیستی مەیسەر مکەرا. ئاژانسوو هەواڵوو فوراتی (ANF) جە بارەو نامۍ ئا کۆمپانیایاوە شۊنیرە لوایش کەرد. جە سیاسەتو ئەرەگیرینە دەورو ٧ کۆمپانیا و ٣٥ نامۍ کە دلۍ ڕای گرڎینە ئشناسێنۍ، پەی ئەرەگیری تورکی وێنێوە سەرنج کێش بەروزا!

کۆمپانیاو فاڕایۆ و ئانۆنیمی

ناوەندو ئی کۆمپانیایە ئینا ناوچەی تازەو شارو ئامەدینە کە ساحیبەکەش نامێش سولەیمان ئۆداباشییا و یۆنۍ جە بنەیانە ئشناسەکا ئامەدی. کۆمپانیاکە جە کورڎةسانەنە چڼین لقێش هەنۍ، بە هۊرگێرتەی تەندەری سەروازی ئشناسیان. جە ساڵەو ٢٠٢٢ێوە دماو ئۆپراسیۆنەکاو دەوڵەتو تورکی جە هەرێمو زاپینە تا ئیساتۍ هەرمانەو وەشکەردەی جاڎەی و فاڕایۆ لۆجیستیکی سوپاو تورکی مەیسەر مکەرۆ. گەڵابۍ کۆمپانیاکەی کە جە بواری بیناسازیچەنە هامکاری سوپاو تورکی مکەرۆ، جە 'ئۆپراسیۆنو سەرگەلێ- کەشو وەهار'ینە کە هەپەگە دژوو سوپاو تورکی کەردش، بیێ بە مەراموو گەریلاکاو هەپەگەی و یەژا ستاری.

کۆمپانیاو گونفاری

ساحیب و ئی کۊمپانیایە نامێش سالادی گونفارا، جە هەرێمەکاو جۆلەمێرگی و چەلێنە جاڎە وەشمکەرۆ. ئینا چوارچێوەو ئۆپراسیۆنەکانە کە دەوڵەتو تورکی ئەنجامش مڎۆ؛ ئینا پلانەسەنە ٢ جاڎۍ سەروازیۍ وەشبکەرۆ. یووەمشا جە دەشتەو دەگاو تالێی جۆلەمێرگیوە پەی دەگاو بلێجانی چەلێی. دووەمشا جە مېیانو ناوچەو چەلێوە تا هانەو قایمقامیەی درێژ مبۆوە. ئەرەیاۋییا کە تەندەرو وەشکەردەی ئا جاڎا جە لایەنو نەجمی پالای و سلادی گونفاریوە هۊرگیریان، خەریکۍ وةشکەرڎەو جاڎەکەینۍ. حەرپاسە ئی کۆمپانیایۍ جە هەرێمەکاو دۆڵەو تیارێ و دەگاو تالێی جۆلەمێرگینە چنی سوپاو تورکی خەریکۍ بەرئاوردەو مادە کانزاییەکانۍ.

کۆمپانیاکۍ گروپوو کاڤینی

ساحیبو ئی کۆمپانیایا مەسرور بارزانییا؛ تەندەروو کێشتەی و وەشکەردەی ڕێش پەی کەشوو چارچەلی هورگێرتەن کە دەوڵەتوو تورکی ئەرەگیر کەردەن، قیرکەردەی ڕاو شارەکڵەو کانی ماسیی پەی هەرێموو تەپەو ئپرتێ، چی هەرێمۆ تاهەرێمەکاو چارچەلی و تەپەو هەکارییش ئینێ سەرۆ و هەرمانەشا چەنە مکەرۆ.

چی دمایایچۆ کۆمپانیاکە بە نامێ زیکری بارزانییوە تەندەروو وەشکەردەی ڕای سەروازییێش ناوەندوو مەنتێقەو ئامێدینە ورگێرتەن.  

کۆمپانیای چەتینی بیناسازی

ساعیبوو ئی کۆمپانیایە ئەرمان چەتینا و ئیا ناوەندنوو شاروو جۆلەمێرگینە.  بە نامێ کۆمپانیاو چەتینیوە عادل چەتین جۆلەمێرگنە و فازڵ چەتین ئەنقەرەنە و ئیزمیرەنە هەرمانێ کۆمپانیاکەی مکەرا، کە براو ئەرمان چەتینین. عادل چەتین دەگاو ئۆتلجایەینە هوەمانەو بیناسازی پەی سوپاو تورکی مکەرۆ. پەشتڕاس کریانۆ راوەبەراو ئی کۆمپانیایە پەیوەندیێوی نزیک و پتەوشا چەنی فەرماندە پلە باڵایەکاو تورکی و میتی هەن. ئانەیچە بەروزیان کە کۆمپانیاکە گەڤەرەنە هەرمانەو بیناسازیی بینا تازا ڕاوەبەراو پۆلیسی هورمگێرۆ.

ئۆلمەز کانزاچی

کۆمپانیاو عیسمەت ئۆلمەزی، تەندەروو ڕا سەروازییەکاو مەنتێقەکاو هرۆر و نزۆریی هەرێموو مەتینایش ورگێرتەن. ئەنداماو بنەیانەو ئۆلمەزی، سەباحەدین ئۆلمەز، سەلمان ئۆلمەز، فەتحی ئۆلمەز، ساڤاش ئۆلمەز، کەنعان ئۆلمەزیچ بە نامێ کۆمپانیاکەیوە هەرمانەکا مکەرا. زانیا کۆمپانیاکە ئامەدەنە، وانەنە و جۆلەمێرگەنە چا یاگانە کانێش چەنەنێ، ساڵەو ٢٠٠٠یوە پەی سوپاو دەوڵەتوو تورکی هەرمانەو بیناسازی مکەرۆ.  

کۆمپانیاو ئایکۆپی

ناوەندوو هەرمانەکاو کۆمپانیاکەی کە ئایتەکین کۆپارانی وەش کەردەن ئینا وانەنە و جولەمێرگەنە. کۆپاران کە دمانامێ وێش فاڕێنە پەی کاراهانی، دلێ ئاکەپەینە هەرمانەش کەردێنە، چا هەرێمانە کە سوپاو تورکی گێرتێنێ ئی کۆمپانیا هەرمانەش وەشکەردەی ڕای لاوەکیێ و بنەکەو قەرەقۆڵی پۆلیسین، ساڵەو ٢٠٢٤یوە  خزمەتەکێش پەی سوپاو تورکی بەردەوامێنێ، کۆپاران دماو برێ ناڕەزایەتییا هەرێمەکەنە لوان دلێ جەهەپەیوە.  

ئی کۆمپانیا بە وەشکەردەی ڕاوبانی سەروازی جە ڕوبارۆک و شەمزینانەنە تا میاوۆ دیانا نامیەن.

کۆمپانیاو قومێ

کۆمپانیاکە بە وەشکەردەی ڕێ مشناسیۆوە؛ یوکسەل ساک، سەکڤان ساک و مەلەک ساک مبەرانێش ڕاوە، ئینێ قەومێ یۆترینینێ، خەڵکوو دەگاو خابوروو مەنتیقەو قلەبانوو شڕناخینێ. سەکڤان ساکیچ پیسەو یۆ جە بەڵێندەرەکاو مەنتێقەکەی مشناسیۆوە، کۆمپانیاکە ساڵەو ٢٠١٣ێنە تەندەرو بارەگا سەروازی و  ڕا سەروازییەکاش قلیبانەنە ورگێرت، جبەخانە، سۆتەمەی و پەنەوازیی لۆجیستیکییش یاونان بارەگا سەروازییەکاو تورکیای هەرێموو حەفتانینینە و مەتینانە.

موچیۆ کەسێوی نزیکی تەرشا کە نامێش ئەمراح ساکا خزمەتی چینەش بە سوپاو تورکی کەردەن و بڕێ یاگێنە بە باروو هەسەرێ پەنەوزیێ لۆجیستێش یاونێنێ بە سوپای ئەرەگیرکەرێ.

دیاریچ کریان کۆمپانیەکە جە ورگێرتەی تەندەرانە بەردەواما و حەفتانین و مەتینانە سوپای ئەرەگیرە هامکارییش مکەرۆ پەی وەشکەردەی بارەگای سەروازی.  

کۆمپانیاو بیناسازیی پالای

کۆمپانیاکە نازمی پالای جولەمێرگەنە نیانرە، ئی کۆمپانیا کە وەشکەردەی وێستگە و ڕاوبانوو مەنتێقەکاو چەلێ و دەشتاتش تەمامنان، هەرمانە کەرۆ پەی وەشکەردەی ڕێ پەی کانزایەکاو دەگایەکاو هەرێمەکەی و دەشتەو خانی.

دەوڵەتوو تورکی بەنیازا ڕاو کانزایەکاوە هەرێمەکەنە هجوومە ئەرەگیرییەکاش هەرێمەکاو پارزینای میدیاینە پەی ماوێوە فرەی درێژە پەنە بدۆ.

باباتەکێ

یۆ چا بەکرێگیریایاو دەوڵەتوو رتورکی دژوو تەڤگەروو ئازایی کوردسانی بەکارش مارۆ، زوبەیر باباتا، کە سەر بە سێگرکیی قلەبانوو شرناخین. ساڵەو ٢٠٢٠ینە چوارچوەو ئۆپراسیۆنەکاو "چنگەو پلنگ"ینە کە سوپاو تورکی دەس پەنە کەردەن، پەی دابینکەردەی کەرسەی لۆجستی پەی سەروازاو تورکی هەرماندار بییەن، ئینجا وەرپەرسوو "گرووپوو خنجەرێ"ن کە دژوو کوردان، ئی گرووپە بە تاڵانکەردەی سرووشتوو کوردسانی بەتایبەت بڕیەی دارا و مەنتێقەو پەرواری، تا کەشوو هەرەکۆڵی و هەرێمەکاو بەستای مشناسیۆ، ئی تۆڕێ تا تاڵانکارییەکا شارەکانە بەرا بەرۆ، ئیسفادە جە بەکرێگیریایا پێسەو سولێمان باباتی مکەرا.

حازم بابات خەڵکوو سێگرکەین و بە کردەوە دوژمنکارییەکاش دژ بە گەلوو کوردی ئشناسیان، ساڵەو ٢٠٢٢ جە وەشکەردەی ڕاو بەینوو بنکەو سەرنیشتوو کوردسانی و هەرێموو حەفتانینی تا هەرێمەکاو گوێڕەشوو خانتووری هەرماندار بییەن. حازم بابات و برێکێش جە بڕیەیوەی دارەکاو هەرێموو ئاوا سیرتی و هۆریکی و کەشوو زەندورای و باڵوولی و پێشخابووروو مەتیناینە بەشدارێ بیێنێ.  

حازم بابات کە ماوێوی فرەن چەنی ئەرەگیرا هەرمانە مکەرۆ، چی ماوانە تەندەروو وێستگێوە کارەباو مەنتێقەکاو ئەلانیش و کەلهۆکی پەی مەبەسی سەروازیی یاوان پەنە، ئینجا یۆ جە بەکرێگیریایا دگاو باباتیانی بە نامێ شەهمووز باباتیوەن، بابات بەردەواما جە وەشکەردەی ڕێ دەگاو بلکایوە مەنتێقەو سلۆپینە. یۆ جە ئامانجە سەرەکییەکاو ئی تەندەری بڕییەی پەیوەندیی بەینوو هەرێمەکاو هەفتانین و جودیین  و درێژەداین بە بڕیەیوەی دارەکاو هەرێمەکەی هاموەخت وەشکەردەی راوی سەروازییەو سوپای ئەرەگیرە تورکی چا یاگانە، ساڵەو ٢٠٢١ و ٢٠٢٢ینە.

عەرەفات یانار

یانار خەڵکوو چەلەو جۆلەمێرگین و ماوێوە فرەن چەنی سوپاو تورکی هەرمانە مکەرۆ و تەندەری سەروازیی هورمگێرۆ و یانار یۆ جە ناوەندە سەرەکییەکاو دابینکەردەی پەنەوازیی لۆجستین پەی سوپاو تورکی مەنتێقەکەنە، موچیۆیچ  تەندەرش ئەنقەرەنە هورگێرتەن پەی وەشکەردەی شش خاڵاو وشکنای سەروازیی هەرێمەکاو زاپی و ئاڤاشینینە، ئامادەکارییچ مکەرۆ پەی یاونای خەتەکاو ئاوێ پەی سوپێ یاگە ئەرەگیریایەکانە.

بە دەیا نامێ...

فرەو هەرێمەکاو کوردستانیچەنە نامێ ئا کەسا تەندەرە سەروازییەکانە پیسەو وەشکەردەی تاوەری سەروازی، وێستگە، بنکەی سەروازی و جادە ئەمنییەکا و هۆکاری لۆجستی داربڕیەیوەی و بەنداوی و فرەو هەرمانای تەریچ ئینێنێ: لەزگین یاگز، سابیر چەلیک، ئیحسان گوزەل، فەخرەدین حازی، عومەر ئۆزپازار، گوهدار سندی، زوبەیت ئۆروچ، حاجی گونەش، سەید ئاجەر، سەلمان ئەدیش، مەتین دەگیرمانجی، چەلەبی سەڤەر، شاکر ئیسماعیل، حوسێن کاپڵان، ئەکرەم کایا، فەخری ئاکتاش، متحەت چیفتچی، جەمیل دەمیر، دەرباز ئەنجو، سەید بەرکە، کەماڵ ئیلحان، موسا ئاپایدن، گازی ئاپایدن، ئیسحاق ئەرەن، سادق جەنگیز، نوری یاشار، موراد سیلاحتارائۆغڵو.