ئەرەیاونیاو ناوەندو ئەرەیاونای و چاپەمەنیی هەپەگەی پێسنەن:

"هەرێمو گەشمەردە دەلیلو  وەرنیشتو زاپینە:

١ و نیسانی سەعات  ٩:١٨ و ١١:٣٠ وەراوەرو ئا ئەو ئەرەگیرکەرانە مەیدانو مدرامانو کەشی ئێف ئێم-ینە هجووم کەرێنێ سەرو تونێلەکاو جەنگی، چالاکیی سابۆتاژ کریا. ئەنجامنە ئەرەگیرکەرێوە سزا دریا و ئەرەگیرکەرێوە بریندار بی.

٢ و نیسانی سەعات ١٠:٤٠ مەیدانو مدرامانو کەشو ئامێدیینە بە نیشانەماڕێ وەنەو ئەرەگیرا دریا، ئەرەگیرێوی سزا دریا، چالاکییەکە هێزەکاو یەژاستاری کەرد.  

٤ و نیسانی سەعات  ٨:٥٥ مەیدانو مدرامانو کەشو جودیینە چالاکیی سابۆتاژی کریا، وەراوەرو ئا ئەرەگیرکەرانە گەرەکشابێ تەقەمەنی بوزانێ دلێ تونێلەکاو جەنگیوە. هێزەکێما هاموەخت بە چەکی فەردی دەسشا چا ئەرەگیرکەرا کەردۆ، ئەنجامنە ٣ ئەرەگیرکەرێ سزا دریێ و ٢ ئەرەگیرکەرێ بریندارێ بیێ. سەرو ئا ئەرەگیرکەرا سزا دریێ چەکی فەردی MPT-55 و دووروینێ چەکی و ٢ عەینەکێ و چراوێ گیریێ. چالاکییەکە هێزەکاو یەژاستاری کەرد.

هجوومەکاو دەوڵەتی ئەرەگیرکەرو تورکی بە تەقەمەنیی قەدەغەکریا:

٣١ و ئاداری مەیدانو مدرامانو کەشو ئامێدیینە جە هەرێمو گەشمەردە دەلیلو وەرنیشتو زاپینە، تونێلەکاو جەنگیما بە تەقەمەنیی قەدەغەکریا بۆردومانێ کریێ.  

١ و ٢ و نیسانی هەرێمو گەشمەردە دەلیلو وەرنیشتو زاپینە، تونێلەکاو جەنگی جە مەیدانو مدرامانو کەشو ئامێدیینە ٢ جارێ بە تەقەمەنی و جارێوە بە درۆنی جەنگکەر بۆردومانێ کریێ.

١ و نیسانی هەرێمو گەشمەردە دەلیلو وەرنیشتو زاپیینە، تونێلەکاو جەنگی مەیدانو مدرامانو کەشو ئێف ئێم-ینە بە چەکی کیمیاوی بۆردومانێ کریێ. ئا گازە کیماوییە بەکار ئاما ڕەنگەش بێ و بووەو کلۆریش چۆوە ئێ.

هجوومەکاو سوپای ئەرەگیرکەرەو تورکی؛

بەینو ٣١و  ئاداری و ٤و نیسانینە هەرێمو گارەینە مەیدانەکاو تەپو کون و خێرێ و دێرەش و ڕێبین و میژێ و چەمڕۆبۆتکی و دەرەو هەرچە و نەقەبە خێرێ ١٧ جارێ، هەرێمو مەتینا سەرو مەتینای و دەرگەڵێ و بێشیلی و گۆلکە ١٢ جارێ، هەرێمو خواکوڕکو سنینێ و لۆلان ٨ جارێ، هەرێمو زاپینە مەیدانو گەشمەردە ئیبراهیمینە ٣ جارێ، هەرێمو گەشمەردە دەلیلو وەرنیشتو زاپینە کەشو ئامێدی و وەهاری و جودیینە ٧ جارێ، هەرێمو قەندیلینە مەیدانەکاو زەرگەڵێ و بالیانێ ٣ جارێ، بەگردیوە ٥٠ جارێ بە فڕۆکەی جەنگکەر بۆردومانێ کریێنێ".