هەپەگە ئاماژەشا پانەیە دا ئەندامێ فەرماندەیی فاڕایوە و ئیدارەو هەرێمەکاو پارێزنای میدیای و کۆنسەو فەرمانداریی هەپەگەی، ئالان ملازگر و دکتۆر سارا تۆلهەلدانە گەشمەردێ بیێ و واتش: " بە مدرامانی ڕەسەنشا پەی هەمیشەی بانە بە ڕابەرێما."
ناوەندوو ئەرەیاونای و چاپەمەنیی هەپەگەی پێوەسپا گەریلایا کە زاپەنە گەشمەردێ بیێ، ئەرەیاوناێوەش وەڵا کەردۆ.
ئینە ئەرەیاونایەکەو هەپەگەین:
" ئەندامێ فەرماندەیی فارایۆ و ئیدارەو هەرێمەکاو پارێزنای مەدیای و کۆند=سەو فەرمانداریی هەپەگەی و هامڕێما ئالان ملازگر و دکتۆر سارا تۆلهەلدانە ٢١و حوزەیرانوو ٢٠٢٤ینە مەیدانوو مدرامانوو سیداینە زاپەنە جە چالاکیی هجوومی فیدایینە دژوو سوپاو تورکی ئەرەگیری گەشمەردێ بیێ.
لە زاپەنە کە سوپاو تورکی ئەرەگیری ٢٤و نیسانوو ٢٠٢١یوە بە ئاستیوی فرە وەرفراوان، ١٤و نیسانوو ٢٠٢٢ێچ سەروو هەمان بنەماو ئەرەگیری وەرفراوانی هجوومش کەرد، پەوکای جا قۆناغەنە یۆ جە مدرامانە حەورە تاریخییەکا مکریۆ، قناغوو مدرامانوو کەشوو ڕەشی، گەشمەردە شاهین، چلۆی گولانە، کەشوو جەهەنەمی، مەڕەو بریندارا، کورەژارۆ، کارکەر، وەرخەلی، کۆرکەر، چەمچۆ، سیدا، کەشوو ئێف ئێم، جودی، ئامێدی و بەهاری داستانی تارێخی نویسیاوە. ئی مەیدانێ کە دەوڵەتوو تورکی ئەرەگیری گەرەکش بێ ماوە و چند هەفتێوەنە بگێرۆش، پاو مدرامانی تارێخیوە کە ماوەو ٣ساڵان بەردەواما، هەرێموو زاپی بی بە قەڵاو مدرامانی کە نمەتاویۆ بگیریۆ.
فەرماندەی قارەمانی فیدایی ئاپۆیی ئالان ملازگر و ژەنە قارەمانەو کوردی دکتۆر سارا تۆڵهەلدانە ٢١و حوزەیرانوو ٢٠٢٤ینە پەی پارێزنای هامڕایەکاشا گیانوو وێشا کەرد بە سەنگەروو وەرگێری و دژوو سوپاو تورکی ئەرەگیری چالاکیی هجوومی فیداییشا کەرد. بە ڕۆحی گەورەو فیداییوە، هجوومشا کەرد سەروو بارەگایەکاو سوپاو تورکی ئەرەگیری گورزی مازیماڕشا دا بارەگاو ئەرەگیرا و یاوێ بە پلێ شەهادەتی.
هامڕێما ئالان و سارا بە مدرامانی ڕەسەن و چالاکیی فیداکارییوە پەی هەمیشە مبانێ بە ڕابەروو ئێمە. وەعدما ئەوەخوای مکەرمێوە کە خاوەنداریی جە یادکەردەیوەیشا بکەرمێ و بەزیندەیی سەرەمڕ بازمیشۆ، کۆشیایشا بەرز برمانمێ و ئامانجەکاشا سەربوزمێ، هەقکەردەیوە و مدرامانی تارێخییشا کەرمێ بە بەهانێ سەرکەوتەی گەورەی. بە دڵنیاییوە هەڵوێست و مدرامانی شکۆداروو ئالانی و سارایەکا سەرمگنۆ، سەروو ئی بنەمێ سەرەوەشیی وێما پەی بنەیانەی بەڕێزوو ئالانی و سارێ و گەلی وەڵاتپارێزنیما بەرموزمێ.
زانیارییەکێ دەربارەو شناسنامەو هامڕا گەشمەردەکاما ئینەن:
شناسنامێ: ئالان ملازگر
دمانامێ: ئەندەر بودانجەر
یاگێ پەیدابییەی: موش
نامێ ئەدێ و تاتەی: خەزال- نوسرەت
شۆنە و وەختوو گەشمەردەبییەی: ٢١و حوزەیرانوو ٢٠٢٤/ زاپ.
****
شناسنامێ: سارا تۆڵهەلدان
دمانامێ: لەیلا ئایکوت
یاگێ پەیدابییەی: ئەدەنە
نامێ ئەدێ و تاتەی: گەورێ- عەزیز
شۆنە و وەختوو گەشمەردەبییەی: ٢١و حوزەیرانوو ٢٠٢٤/ زاپ."
