هەپەگە بە ڕێزو حورمەتۆ یاڎو گەریلای گەشمەرڎەی فیداکار شەنگالیش کەڕڎۆ و واتش: "قەولما واوەی مکەرمېوە کە بیمۍ بە درێژەپنەدەرو ئامانجەکا هەمڕا فیداکاری کە خیاڵو 'ڕابەرایەتی ئازادی، کوردەسانی ئازادی و ئێزدخانی ئازادی'ش بۍ."
ئەرەیاۋناکەو مېیانو ئەرەیاۋنای و چاپەمەنی هەپەگەی پی جۊرەنە:
"جە ساڵۊو ٢٠١٩ینە هەمڕاما فیداکار شەنگالی جە هرووژمێوە دژمنینە پەی سەرو هەرێمەکاو پارېزنای مەدیای گەشمەرڎە بی. بە ڕێزو حورمەتۆ هەمڕاما فیداکاری یاڎ مکەرمېوە و جە کەسایەتی ئاڎینە قەولو سەرکۊتەیما جە مەرامو گرڎو گەشمەرڎامانە واوەی مکەرمێوە.
گەلوو ئێزدییما دماو سەرەرەئامای ٧٤ فەرمانا، پەشتیشا بە کەشو شەنگالی بینا و بیەو ۋێشا پارېزنا. پېسە پنتی بنەڕەتی کوردایەتی، بی بە سیمبوڵی تەمامو مڎرامانو گەلەکەیما جە تاریخەنە. گەلوو ئێزدیما نوێنەرایەتی هەرە بنەڕەتی و پاکی زۋان، کولتوور و باوەڕداری گەلوو کوردی مکەرۆ. جەختش چی تایبەتمەندییا ۋێش کەرڎۆ و گرڎو هرووژمە قڕکارییەکا ئەرەگیراش هاڵیۍ کەردێوە. گەلوو ئێزدیما گرڎو ئینیشاش بە هەزاران ڕۆڵۍ ئازۍ ۋێشۆ پێکئاورڎ، بە ئەرەمەرزنای ژیۋایۍ ئازادی خاوەنداریکەردەی جە یاڎکەردەیۆ گیان بەخشایا و پارېزنای ئێزدخانی کە میراتو گەشمەرڎان، پېسە بنەڕەتیتەرین ئەرکو ۋێشا موینا.
ڕۆڵەی قارەمانو گەلوو ئێزدیما هەمڕا فیداکار درکش بە گرڎو ئێش و حەقیقەتەکا قڕکەردەی کەرد. پۊکەی ۋێش ۋەرا ۋەر بە گەلەکەیما بە ۋەرپەرس وینا و بەشدارو ئەوەکۊشای ئازادی بی. تەنیا ئامانجو هەمڕایما ئانە بۍ حەقە جە قڕکارییەکا بکەرۆوە و دەرفەت پەی گەلوو ئێزدیما ڕەخسنۊنە تا جە ژیۋایۍ ئازاد و ئارامەنە بژیوا. هەمڕا فیداکار بە ئەوەکۊشای و گەشمەرڎەبیەیشۆ جە زېڵۍ گەلەکەیمانە یاگۍ ۋێش کەرڎۆ. پۊکەی گەلەکەما گرڎ گەشمەرڎەبیەیێش کەرڎ بە بەهانۍ زیاتەرو ئەوەکۊشای و پینەیۆ جارێوەتەر هەڵوێسو ۋێش نیشانە دا کە هەڵوێسو وڵاتپارێزنی مشۊم چنین بۆ.
قەناعەتما هەن بنەیانەی قارەمانو هەمڕا فیداکاری ماناڎاریێوە گۊرە مڎا پی شەهادەتەیە و ئەوەکۊشایشا گۊرەتەر مکەرا. سەرساغی ۋێما پەی بنەیانەی قارەمانو هەمڕا فیداکاری و گرڎو گەلوو کوردەسانی وڵاتپارێزنیما موازمۍ.
زانیارییەکۍ سەرو ئشناسنامەو هەمڕا فیداکاری پی جۊرەنە:
ناسنامۍ / فیداکار شەنگالی
نامۍ و دما نامۍ / فاروق شەرەف قاسم
شۊنەماو جە ئەڎابیەی / شەنگال
نامۍ ئەڎۍ و نامۍ تاتەی / نەعیم – شەرەف
شۊنەماو کاتوو گەشمەرڎەبیەی / ٢٠١٩ / هەرێمەکاو پارېزنای مەدیا."
