هەپەگە شۊڕش ڕوناهی و تۊڵهەڵدان هیزان و سەرهەڵدان گارزانش یاڎۍ کەرڎێوە، کە ٢٣ تشرینو دووەمو ٢٠٢١ هجوومو هێزەکاو سوپاو تورکینە پەی سەروو گارزانی گەشمەرڎۍ بیۍ ، وەعدش دا یاڎشا جە کۊشیای وێشنە بەزینڎەیی بازۊوە.
ناوەندوو ئەرەیاونای و چاپەمەنیی هێزەکاو پارێزنای گەلی (هەپەگە)، بە ئەرەیاوناێوە نویسیا، شۊڕش ڕوناهی و تۊڵهەڵدان هیزان و سەرهەڵدان گارزانش یاڎ کەرڎێوە، کە ٢٣ تشرینو دووەمو ٢٠٢١ هجومو هێزەکاو سوپاو تورکینە پەی سەرو گارزانی گەشمەرڎۍ بیۍ.
ئەرەیاونایەکە پێسنەن:
"هامڕێما شۊڕش و توڵهەڵدان و سەرهەڵدان ٢٣ تشرینو دووەمو ٢٠٢١ هجوومێوە دوژمنینە پەی سەروو هەرێمو گارزانی گەشمەرڎۍ بیۍ.
هامڕێما شۊڕش و تۊڵهەڵدان و سەرهەڵدان، جەنگاوەرۍ قارەمانۍ پارتەکەیما، ڕۊڵۍ گەورۍ و ئازیزۍ گەلەکەیما، کە بە ژوای و کەسێتیی کۊشەرو وێشا چێوگەلێکوە ناوازێشا کەرڎۍ و پێسە جەنگاوەرێوە فیداکارو کاتە سەختەکا یاگۍ وێشا تارێخوو کۊشیاینە گێرت. هامڕۍ ئازیزێما پیمەرەکاو جەنگاوەرێتی پەکەکەی و پاژکیشا کەرڎۍ تایبەتمەندیی سەرەکیی کەسێتییشا، بە ڕاپیماێوە پاگێرتەیرانە و سەرکەوتەێوە ناوازە کۊشیای وێشا بەرڎەوام کەرد. هامڕێما شۊڕش و توڵهەڵدان و سەرهەڵدان، جە هەرێموو گارزانینە بە تاکتیکی فیدایی گورزی گەورەشا وەنەو سیستمی قڕکەرو تورکی شانا، گرد ڕوۍ باوڕ بە سەرکەوتەی گەورەی کەرێنۍ و بیۍ بە سەرچەمەو هومێدوو گەلەکەیما.
هامڕێما شۊڕش و توڵهەڵدان و سەرهەڵدان جە ساڵیاڎوو گەشمەرڎەبییەیشانە بە ڕێزۊ یاڎ کەرمێوە، سەرەوەشی جە بنەیانەی ئازیزیشا و گردوو گەلی وەڵاتپارێزنو کوردستانی کەرمۍ، وەعد مدەیمۍ کۊشیای وێمانە یاڎشا زینڎە بازمێوە.
زانیاری ربارەو شناسنامەو هامڕا گەشمەرڎەکاما پێسنەن:
شناسنامێ: شۊڕش ڕۊنی
نامۍ و دمانامێ: ئەرهان مینگسار
یاگۍ پەیڎابییەی: قەرس
نامۍ ئەڎێ-تاتەی: زەلیخان- عیسمەت
وەخت و شۊنەو گەشمەرڎەبییەی: ٢٣ تشرینو دووەمی٢٠٢١، گارزان
شناسنامێ: تۊڵهەڵدان هیزان
نامۍ و دمانامێ: مەعسوم یەڵماز
یاگۍ پەیڎابییەی: بەدلیس
نامۍ ئەڎێ-تاتەی: شەهناز- عەبدولکەریم
وەخت و شۊنەو گەشمەرڎەبییەی: ٢٣ تشرینو دووەمی٢٠٢١، گارزان
شناسنامێ: سەرهەڵدان گارزان
نامۍ و دمانامێ: ڤێدات ئایدن
یاگۍ پەیڎابییەی: بەدلیس
نامۍ ئەڎێ-تاتەی: لێمان- محەمەد ئەمین
وەخت و شۊنەو گەشمەرڎەبییەی: ٢٣ تشرینو دووەمی٢٠٢١، گارزان
