هەپەگە بەڕێزدارییوە یاڎوو ٤ گەریلایاش کەرڎۆ
ە ٤ گەریلۍ گەشمەردێش بەڕێزدارییوە یاڎۍ کەردێوە، کە ١١ ئابوو ٢٠١٨ینە ئاڤاشیننە گەشمەردۍ بیێبێنۍ و واتش: "وەعدما ئەوەخوای کەرمێوە، شایسۍ کۆشیای هامڕا گەشمەرڎەکاما بیمێ".
ناوەندوو ئەرەیاونای و چاپەمەنیی هەپەگەی دەربارەو گەریلا گەشمەرڎەکا ئی ئەم زانیاریێشە وستێنۍ ڕووە:
"هجوومێوەنە، دماو چالاکییە کاریگەرەکەو ١١ ئابوو ٢٠١٨ هەرێموو ئاڤاشینینە دژوو سوپاو تورکی کریا، فەرمانداری بەڕێزما هامڕا عەگید زازا و هامڕێکێش ئاگر، سەرحەد و خەیری گەشمەردۍ بیێ.
هامڕاما عەگید زازا، کە گردووو ژیوایش شۆڕشگێڵنانە و بێوچان خەبات کەرێ، بە هەڵوێستی ڕۆشنش جە خەباتوو ڕابەرێتیینە، بە ئیرادەی قەوەتش و لکەدریاو ئازاڎی، یاگۍ وێش تاریخوو مدرامانینە گێرتە. هامڕاما کە چندین هەرێم و کەشاو کورڎسانینە، هەتا زیندانوو دوژمنیچنە کۆشیێ، گرد مەیدانێوەنە بۍ بە پارێزنەروو خەتەو مدرامانی ئاپۆیی. هامڕاما گرد وەختێوە کۆشیایشنە، بە نرخنای و بەرهەمی تازە لوۍ ڕاوە، تا شایستەو ڕابەر ئاپۆی بۆ بێت هەرمانۍ گەورۍ کەرۍ و پی تایبەتمەندییاوە بی بە میللیتانێوە تا هامڕێکێش پێسە نموونەی پەیڕوش کەرا.
هامڕاما عەگید بە کەسایەتیی قارەمانانەو وێش زیندانەکاو دوژمنینە بەرپڕا و یاوا بە کەشەکاو کورڎسانی، بی بە فەرماندارێوە گەورە، سەروو یاگەپاو کەمال پیری بە ڕۆحێتیی ئاپۆییوە کۆشیێ.
هامڕا عەگید کە پێسە قارەمانێوە کۆشیۍ و بە گەورەییوە سەرگنێ، پێسەو قارەمانێوە فکرما نمەشۆوە و نامۍ وێش تارێخوو خەباتوو ئازاڎیی کورڎسانینە نویستۆ.
هامڕێما ئاگر، سەرحەد و خەیری ئەوەڵ وەختوو بەشداریکەرڎەیشا خەتەو کۆشیاینە تا یاوای بە شەهادەتی، بە بۍ دووەدڵبییەی بیۍ بە گەنجۍ کوردیی بەحورمەتی کە ئاشناو فەلسەفەو ئاپۆی بێنۍ و کەردشا بە بنەڕەتوو ژیوایشا. هامڕێمان ئاگر، سەرحەد و خەیری کە پێسە زارۆڵە قارەماناو گەلوو کوردی، کە دلۍ سیستموو قڕکەرڎەینە وێشاڕزگار کەرد و وێشا فیداو کۆشیای ئازاڎیی کەرد و جە حەروەختێوە ژیوایشانە بە شێوازوو جەنگی و ژیوای بە پاو ئا ئامانجەیە جووڵیێوە و یاوۍ بە کارەوانوو گەشمەرڎە نەمرا.
سەرەسڵامەتی پەی گردوو گەلوو کورڎسانی وەڵاتپارێزنی، بەتایبەت بنەیانەی بەڕێزوو گەشمەرڎا و هامڕایاما عەگید، ئاگر، سەرحەد و خەیریی موازمۍ و جارێوە تەر وەعد ئەوەخوای کەرمێوە، کۆشیایشا کە پنەشا سپارێنمێ، بە هۆشمەندی و وەرپەرسیی شایسەوە، پەڕ کەرمێن جە سەرکەوتەی.
زانیاریی سەروو هامڕا گەشمەرڎەکاما ئینەن:
شناسنامێ: عەگید زازا
نامۍ و دمانامێ: عوسمان کلچ
یاگۍ پەیدابییەی: چەولیک
نامۍ ئەڎا-تاتەی: سایمە- عەبدوڵا
یاگۍ و وەختوو گەشمەرڎەبیەی: ١١ ئابوو ٢٠١٨/ئاڤاشین
****
شناسنامێ: ئاگر ئومید ژیرکی
نامۍ و دمانامێ: ئیسلام ئۆزدەمیر
یاگۍ پەیدابییەی: بوردور
نامۍ ئەڎا-تاتەی: سورمە- هادی
یاگۍ و وەختوو گەشمەرڎەبیەی: ١١ ئابوو ٢٠١٨/ئاڤاشین
****
شناسنامێ: سەرحەد پارتیزان
نامۍ و دمانامێ: عەبدولڕەحمان یاشا
یاگۍ پەیدابییەی: ئامەد
نامۍ ئەڎا-تاتەی: زولەیخا- محمەد
یاگۍ و وەختوو گەشمەرڎەبیەی: ١١ ئابوو ٢٠١٨/ئاڤاشین
****
شناسنامێ: خەیری ئازاڎ
نامۍ و دماناممێ: دۆغان یوزگولەچ
یاگۍ پەیدابییەی: وان
نامۍ ئەڎا-تاتەی: مەقبوڵە- حەسەن
یاگۍ و وەختوو گەشمەرڎەبیەی: ١١ ئابوو ٢٠١٨/ئاڤاشین
****
***
***
