ناوەندوو ئەرەیاونای و چاپەمەنیی هەپەگەی سەبارەت پا گەریلا گەشمەرڎەیە ئی زانیاریێشە ئەرەیاونا:

"پەکەکە جە پارتوو گەشمەرڎان هومێدوو ئازاڎیی گەلەکەیمانە، کە بە کۊشیای تاریخیی زیاڎتەر جە نیم سەدەین وێش ژیونانۊ. کۊشیای ئازاڎیی کوردسانی، کە بە ڕەنجوو گەشمەرڎە نەمرا یاوان ئارۊ، بە سەرمەشقبییەی ئا گیانبازامانە کە وەختێوە پێویس بۊ بۍ دووەدڵی وێشا بەخت کەرڎەن، گرد ڕوۍ زیاڎتەر جە سەرکەوتەی نزیک بۊوە. هامڕاما جەمال، کە جە ئامەدنە جە شاروو سەرەورڎاینە پەیدا بییەن، هەر ساتێوە ژیوای وێش پەی دماتەری ئازاڎیی گەلەکەیما بەخت کەرد. ئاد یۊ بۍ جە فەرماندە سەرمەشقەکاما و پەی گەشمەرڎا و پارتەکەیما بیەبۍ بە جەنگاوەرێوە نموونەیی. هامڕاما فەرماندە جەمال، کە ڕەنجێوە گەورەش دا، جە هەرێمەکاو پارێزنای مێدیاینە، تا سەرنیشتوو کوردسانی جە دژوو داگیرکەراو خاکی مەبارەکوو کوردسانیش پارێزنا. گەشمەرڎەبییەی هامڕایما جەمال، کە ڕۊڵێوە ئازاو گەلەکەیمانە و فەرماندێوە سەرمەشقا، پەی ئێمە فرمانوو سەرەفرازی ئانەن، کە میراتوو کۊشیای گەشمەرڎە نەمرا بەدڵنیاییوە بە سەرفرازی تاجدار کریۊ.

ئشناسنامەو هامڕا "جەمال ئاندۊک"ی چینەن:

ناسنامێ: جەمال ئاندۊک

نامۍ و دمانامێ: جیهان نازلەر

یاگۍ جەئەڎابییەی: ئامەد

نامۍ ئەڎا- تاتەی: زاهیدە- ئاڎەم

وەخت وشۊنەو گەشمەرڎەبییەی: ٢١وو ئاداروو ٢٠١٩-ی حەفتانین

هاوڕۍ جەمال بە یارای، زیرەکیی تاکتیکی، ڕەنج، کەسایەتیی فیداکار، پا بەهۍ کە پەی هامڕایاش نیێشرە و بە هەڵوێسی سەرکەوتانەش فەرماندەییش سەروو هێڵی خەتەو سەرکەوتەیۊ، بی بە یۊ جە فەرماندە نموونەییەکاو سەرڎەمی تازەی. هامڕا جەمال جە نەورۊزوو ٢٠١٩ینە، لە هجووموو دوژمنینە گەشمەرڎە بی و بی بە گەشمەرڎەو نەورۊزی و پەی گەلەکەیما بی بە ڕەمزوو ژیوایۊ و ئازاڎی".

س.ز