هەپەگە یاڎوو چوار گەریلایاش بەرزڕاگرت، کە جە ئۆپراسیۆنە شۆڕشگێڵنیەکا خواکورکی و زاپینە گەشمەرڎۍ بیۍ و ئەرەیاۋناش، "گەریلاکۍ ئازاڎیی کوردسانی کە گیانبازی و ئیراڎەو ئاپۆییشا کەردەبۍ بە رێبازوو ژیۋایشا، هیواو ئازاڎیی گەلینۍ".
ئەرەیاۋناکەو ناوەنڎوو ئەرەیاۋنای و چاپەمەنی هەپەگەی سەروو مژارەکەی پی جۆرەنە:
"جە ئەرەیاۋناو ٢٣ و ٢٤و کانونوو یووەمی/ دیسەمبرو ٢٠٢٣ېنە بە گەلە وڵاتپارێزەکەیما و رای گرڎیما ئەرەیاۋنابۍ، کە جە هەرێمەکاو خواکورکی و گەشمەرڎە دەلیلوو ۋەرنیشتوو زاپینە جە میانوو ئۆپراسیۆنە شۆڕشگێڵنیەکانە هامڕېما مەمیان، وڵات، هەڵمەت و حسێن بە گیانۍ فیدایی ئاپۆیی و ئازایەتی بەرزۆ لووۍ سەروو دوژمنی و گەشمەرڎۍ بیۍ.
هامڕاما مەمیان جە ئۆپراسیۆنی شۆڕشگێڵنیی گەشمەرڎە ئەحمەد روبارینە لووا دلۍ سەنگەروو دوژمنی، ڕشتەرین هونەروو پرۆفیشناڵی گەریلاکا ئاپۆییش جابەجێ کەرڎ و پا گورزا کە جە دوژمنیش شانا، دوژمنش تۊقنا. هامڕاما مەمیان گیانبازیش پېسە شێوېوە ژیۋای هۊرچنی و جە بەرزتەرین ئاستەنە پا شێوە ژیوا و گەشمەرڎەبی.
هامڕاما هەڵمەت، وڵات و حسێنیچ سەرمەشقایەتی ئۆپراسیۆنی شۆڕشگێڵنیی ٢٣ۍ کانونوو یووەموو ٢٠٢٣ېشا جە مېڎانوو مدرامانوو کەشوو ئامێدی سەرمەشقایەتیشا کەرد و گورزەی گۊرېشا جە دوژمنی شانا، ئاڵاو مدرامانیش جە جوان، ئاندۆکی و بۆتانەکاوە هۊرگېرتە و بە شێوېوە بە قیمەت شۊکناشاوە، تا دما گولۍ جەنگشا کەرڎ و گەشمەرڎۍ بیۍ.
گەریلاکاو ئازاڎیی کوردسانی کە گیانبازی و ئیراڎەی ئاپۆییشا پۍ ۋېشا کەردەن بە رێبازێوە ژیۋای و جە تاکتیکەکاو گەریلاو سەردەمی تازەینە بیۍ بە پڕۆفیشناڵۍ، جارێوەتەر بە دۆس و دوژمنیش نیشانەدا کە گەریلۍ مەبەزیا و جە بنەنمۍ. جارێوەتەر سەلەمیا کە ئاڎۍ هیواو ئازاڎیی گەلەکەیمانۍ. هامڕېما مەمیان، هەڵمەت، وڵات و حسێن بە جەنگېوە گیانبازانە دژوو گرڎ جۆرە هجومېوە دوژمنی شێوەو سەرکۊتەیشا نیشانەدا، پېسە جەنگاوەرا سەرمەشقی یاگۍ ۋېشا جە وەڵینگەو ئازاڎیی گەلوو کوردیرە کەردۆ.
شۊڵەچراوەو ئازاڎیی هامڕایاما رۆژهات و ئەرداڵی کە جە ئەنقەرۊ گیسیانە، جە کەشەکاو کوردسانینە بەرزکریاوە و یۆ جە قورستەرین گورزەکاو تاریخی ئەو دوژمنی شنیا. سەرەوەشی جە گرڎوو گەلی وڵاتپارێزوو کوردسانی بەتایبەتی بنەیانەی بەڕێز و بە قیمەتوو هامڕایاما مەمیان، هەڵمەت، وڵاتی و حسێنی کەرمۍ.
زانیاری سەروو ئشناسنامەو هامڕا گەشمەرڎەکاما پی جۆرەنە:
ناسنامۍ / مەمیان ئارمانج
نامۍ و دما نامۍ / حەکیم تەکین
شۊنماو جە ئەڎابیەی / جۆلەمێرگ
نامۍ ئەڎۍ و نامۍ تاتەی / بەگی- عەلی
وەخت و شۊنماو گەشمەرڎەبیەی/ ٢٢ۍ کانونوو یووەموو ٢٠٢٢/ خواکورک
*****
ناسنامۍ / هەڵمەت شاهین
نامۍ و دما نامۍ / کاوە تاکۆر
شۊنماو جە ئەڎابیەی / دێرەلۆک
نامۍ ئەڎۍ و نامۍ تاتەی / لەیلا- کازم شوکری
وەخت و شۊنماو گەشمەرڎەبیەی/ ٢٣ۍ کانونوو یووەموو ٢٠٢٢/ خواکورک
*****
ناسنامۍ / وڵات سەرحەد
نامۍ و دما نامۍ / وڵات سۆنمەز
شۊنماو جە ئەڎابیەی / ئەرزڕوم
نامۍ ئەڎۍ و نامۍ تاتەی / میهرەبان- عەبدوڵا
وەخت و شۊنماو گەشمەرڎەبیەی/ ٢٣ۍ کانونوو یووەموو ٢٠٢٢/ خواکورک
*****
ناسنامۍ / حسێن ئازاد
نامۍ و دما نامۍ / ئەلیاسا چیفتچی
شۊنماو جە ئەڎابیەی / موش
نامۍ ئەڎۍ و نامۍ تاتەی / نوران – محەمەد ئەمین
وەخت و شۊنماو گەشمەرڎەبیەی/ ٢٣ۍ کانونوو یووەموو ٢٠٢٢/ خواکورک
