هەپەگە: هامڕێما دەلال زانیارە گەشمەرڎۍ بیە
هەپەگە ئاماژەش پانەی دا کە گەریلا دەلال زانیارە جە ٢٣ۍ ئادارینە گەشمەرڎۍ بیێنە و واتش: "بە هەڵوێسی خاکیانە، بە پسۆرییە سەروازییەکەیش و تۆکمەیی و ئایدۆلۆژییوە بیە بە میلیتانێوە بەقوەتە."
ئەرەیاۋناکەو ناوەنڎوو ئەرەیاۋنای و چاپەمەنی هەپەگەی پی جۊرەنە:
"هامڕێما دەلال زانیارە جە ٢٣ۍ ئادارۇ ٢٠٢٤ینە جە هەرێمەکاو پارېزنای مەدیاینە گەشمەرڎۍ بیە.
هامڕا دەلالە پېسە شۊنپا هۊرگیرەو دەلال ئامەدۍ قەندیلەنە ۋێش یاونا کەشە ئازاڎەکا، جە هەر مېڎانېوەنە کە چنەشەنە مەنێبۊوە و هەر کارێوەش کەردەبۆ، بیێنە بە یاگۍ هیوای و مۆراڵی پەی دەوروبەریش. جە چنڎین مېڎانۍ هەرێمەکاو پارېزناو مەدیاینە پراکتیکش کەرد، بە هەڵوێسی خاکیانەو ۋێش بە پسۆرییە سەروازییەکەیش و تۆکمەیی ئایدۆلۆژییوە بیە بە میلیتانێوە بەقوەتە. گرڎ وەختۍ دلۍ گێڵای ئازاڎیینە بۍ، ئا سنورەی پەیش دیاریکریابۍ قبوڵش نەکەرد و بە قەرارداریوە ۋێش وزۍ تەرەفۇ ئازاڎییوە.
وەعدما واوەی مکەرمېوە کە کۊشیای ئازاڎیی کە هامڕا دەلالۍ ڕادەسکەردێنمۍ، جە کەسایەتی دەلالېنە بە کۊشیایۍ کە لایەقوو گرڎۇ گەشمەرڎاما بۆ سەروزمۍ. سەرساغی ۋێما پەی تەمامۇ خەڵکی وڵاتپارێزنۇ کوردسانی و سەری گردیۆ پەی بنەیانەو هامڕېما دەلالۍ موازمۍ.
زانیاریی سەرۇ ئشناسنامەو هامڕێما دەلالۍ پی جۊرەنە:
ناسنامۍ: دەلال زانیار
نامۍ و دما نامۍ: چیمەن یلدز
شۊنماو جە ئەڎابیەی: ئامەد
نامۍ ئەڎۍ و نامۍ تاتەی: زینەت-شاکیر
وەخت و شۊنماو گەشمەرڎەبیەی: ٢٣/٣/ ٢٠٢٤ / هەرێمەکاو پارېزنای مەدیای."
****
