مېیانو چاپەمەنی و ئەرەیاۋنای هەپەگەی واتش: "بە ڕێز و وەشەسیایۆ سڵام جە گەلی وڵاتپارێزنیما مکەرمۍ کە بە داواو ئازادیی بەڎەنیی ڕابەر ئاپۆی مېڎانەکۍ نەورۆزیشا پەڕ کەردۍ و بە جۆشو خرۆشێوە گۊرۆ نەورۆزشا پیرۆز کەرد. پا هێز و مۆراڵەی جە گەلەکەیماوە هۊرماگېرتەن، بەهێزتەر درێژە بە ئەوەکۊشایما مڎەیمۍ. ۋەرپەرسا دۊلەتو تورکی بەزارەکی باس چانەی مکەرا کە ئی نەورۆزیە پېسە جەژنەو وەهاری و واڵەو_برایەتی پیرۆز مکەرا. کەچی سوپاو ئەرەگیرو تورکی جە ڕوانو نەورۆزینە سەرەمڕە کەشەکۍ کوردەسانیش بۊمبواران کەردۍ. بێگومان چی هرووژمانە، هێزەکۍ گەریلایما ڕاوجای پەنەوازشا گېرتەنە ۋەر و حیچ زەرەرۍ بە هێزەکاما نەیاوا. بەڵام دۊڵەتو ئەرەگیرو تورکی کە بانگەشەو ئانەی کەرۍ وەهاری پیرۆز مکەرۆ، ٧١٢ جارۍ جە ئاسمان و زەمینۆ بۊمبوارانش کەرد و زەرە ۋەرو سرووشتی زەریفی کۊت".

هەپەگە دەربارەو وردەکاری هرووژمەکا سوپاو ئەرەگیرو تورکی پەی سەرو هێزەکاو گەریلای، ئی زانیاریێشە وەڵۍ کەردۍ.

"هرووژمو فڕۆکە جەنگییەکا سوپاو ئەرەگیرو تورکی"

٢٠ و ٢١ و ٢٢ ۍ ئاداری، مېڎانەکۍ مڎرامانوو لۆلانی و گۆشینو هەرێمو خواکوڕکی ٢ جارۍ، مېڎانەکۍ دێڕەشێ و سیانی هەرێمو گارەی ٥ جارۍ، مېڎانوو مڎرامانوو بێشیلی هەرێمو مەتینای ٣ جارۍ، مېڎانوو مڎرامانوو کەشو وەهارو هەرێمو گەشمەرڎە دەلیلی جە ۋەرنیشتوو زاپی ٤ جارۍ؛ بەگرڎیی ١٤ جارۍ بە فڕۆکەی جەنگی بۊمبواران کریێنۍ.

هرووژمەکۍ سوپاو ئەرەگیرو تورکی بە چەکی قورس

٢٠ و ٢١ و ئاداری ، مېڎانەکۍ مڎرامانوو سنینی و لۆلانی و بەری زینێی هەرێمو خواکوڕکی ٨٥ جارۍ، مېڎانەکۍ دێڕەشێ و گەرگەشێ و سپینداری و مژێ و تەپو کونی و زێڤکێ و تەپو ڕەشیدی و تەپو زەنگڵی و دەشتەو کافێ و هەفتەباخی هەرێمو گارەی ٣٨٠ جارۍ، مېڎانەکۍ مڎرامانوو بێشیلی و شێلازێ و سەری مەتینای هەرێمو مەتینای ٨٩ جارۍ، مېڎانوو مڎرامانوو کەشو وەهاری جە هەرێمو گەشمەرڎە دەلیلی جە ۋەرنیشتوو زاپی ١٤٤ جارۍ؛ بەگرڎیی ٦٩٨ جارۍ بە چەکی قورس بۊمبواران کریێنۍ".