کۆنگرەو دیموکراتیکو گەلا (هەدەکە) ی سەرمەشقایەتی مەراسیمو نەورۆزیش جە ئیستەنبوڵەنە کەرد.

پەی زەماوەنەو یەنیکاپی، جەماوەرو گەلی ماوێوە فرە جە دەروازەکەنە مدرنێشا و دماو وشکنای لوێ مێڏانەکەی.

جە مێڏانەکەنە ئاڵاو دەم پارتی ولافیتەو 'نەورۆزو ئازادی' هورکریا و هورپڕای کریا.

مێڏانەکە بە ڕەنگەو سەوزی، سوور و زەرد ڕازیاوە و لافیتێ و 'چنی بانگەوازو ئاشتی و گلێرگەی دیموکراتیک' شۆکیاوە.

جە مێڏانەکە دروشموو "بژیوۆنە سەرۆک ئاپۆ"، "بێ سەرۆک ژیوای نمەبۆ"، "ژەنی، ژیوای، ئازادی" و "بژیوۆنە نەورۆز" بەرزکریاوە.

مەراسیمەکە بە رێزگێرتەی دەسش پنەکەرد.

دماتەر کۆمیتەو ئامادەکاری و هامسەرۆکا دەم پارتی ئیستەنبوڵی سڵامشا جە گەلی کەرد.

هامسەرۆکو دەم پارتی ئیستەنبوڵ عاریفە چنار واتش: "پەی بنیادنیاو گلێرگەی دیموکراتیکی ئەوەکۆشمێنە. نەورۆز جە ئێژا عەبدوڵا ئۆجالانی موبارەک مکەرمێنە کە بانگەوازو سەدەیش کەرد. پەی ئاشتی گەلا تورکیای پێوەرە ئەوەکۆشمێنە".

جە مەراسیمەکەنە ئەرەیاوناو هیزەکا ڕەنجی و، ئاشتی و دیموکراسی ئیستەنبوڵی ونریاوە.