هەپەگە ئشناسنامەو دووۍ گەشمەرڎاش ئاشکراکەرد کە جە ٧و کانوونوو یووەم و ٢٠٢١ ی خواکوڕکەنە گەشمەرڎۍ بیێنۍ و واتش: "هەتا دما هەناسەو ژیۋایشا بە هۆشمەنڎیێوە بەقوەت و دڵسۆزیێوە قوڵۆ ئەرەکۊشۍ و شۊنەو ۋێشارە میراتێوە دۊڵەمەنڎوو کۊشیایشا جیا ئاست."
ناوەنڎوو ئەرەیاۋنای و چاپەمەنی هەپەگەی پەیوەس بە شەهادەتوو دووۍ گەریلایاوە ئەرەیاۋنێوەش وەڵا کەردۆ کە پی جۆرەنە:
"هامڕێما دەنیزە و ڕۆستەم جە ٧و کانوونوو یووەم و ٢٠٢١ینە جە هەرێموو خواکوڕکینە جە دژوو هجووم و دووژمنینە یاوۍ بە قافڵەو گەشمەرڎا.
ڕۆڵۍ قارەمانۍ گەلوو کوردسانی هامڕێما دەنیز و ڕۆستەم کە دژوو هجوومە قڕکارییەکا سەروو گەلەکەیما، بە بەشداربیەی دلۍ تەڤگەری ئازاڎیمانە گەرەکشابۍ بانۍ بە جوابدەرۆ، جە حەر مېڎانێنە کە بیێبا هەڵوێسێوە نموونەیشا نیشانەدا. جە جەنگە فرە سەختەکانە گەرەکشا بیەن جە بەرەکا وەڵێوە با و پێشنیاروو ئانەی کەرێنۍ. جە مېڎانە جیاوازەکا کوردسانینە دەوری شۆڕشگێڵنیشا بە بێ دوو دڵی جابەجۍ کەرد.هامڕێما دەنیزە و ڕۆستەم بە هێزوو ناموونیشان و ئایدۆلۆجیاو ڕابەر ئاپۆی چنڎین ئەرکی زەحمەتشا ئەنجامدا و بیۍ بە میلیتانێوە بە بڕیارۍ و سەرکوتۍ. پەی پێکئاردەو ئامانجوو گەشمەرڎاما، کۊشیای ئازاڎیشا بە ویستێوە گەورۆ بەقوەت کەرد. هەتا دما نەفەسوو ژیۋایشا بە هۆشمەندیێوە بەقوەت و دڵسۆزیێوە قوڵۆ کۊشیۍ و دماو ۋێشا میراتێوە دۊڵەمەنڎوو کۊشیایشا جیائاست.
هامڕێما دەنیزە و ڕۆستەم دژوو هجوومەکاو دوژمنی، ژیۋایێشا سەروو خەتەو فیدایەتی بەرد ڕاوە و یاوۍ بە قافڵەو نەمرا. سەرساغی پەی بنەیانەو هامڕایاما دەنیزۍ و ڕۆستەمی و تەماموو گەلوو کوردسانی وڵاتپارێزنیما موازمۍ. قەولما واوەی مکەرمېوە کە کۊشیای هامڕایاما بە قەرارداریوە بەردەوام بکەرمۍ.
زانیاری سەروو ئشناسنامەو هامڕا گەشمەرڎەکاما پی جۊەرەنە:
ناسنامۍ / دەنیز ئاراس کۆبانێ
نامۍ و دما نامۍ / نەجلە عادل بوزی
شۊنماو جە ئەڎابیەی / کۆبانێ
نامۍ ئەڎۍ و نامۍ تاتەی / غەزال- عادل
سۆنماو وەخت و گەشمەرڎەبیەی / ٧ / ١٢/ ٢٠٢١ - خواکوڕک
*****
ناسنامۍ / ڕۆستەم جودی
نامۍ و دما نامۍ / اپۆ ئاشکان
شۊنماو جە ئەڎابیەی / جولەمێرگ
نامۍ ئەڎۍ و نامۍ تاتەی / رەجەب
سۆنماو وەخت و گەشمەرڎەبیەی / ٧ / ١٢/ ٢٠٢١ - خواکوڕک.
