هەپەگە ئەرەیاۋناش، بێجگە جە ٣ سەروازا سوپاو تورکی کە سزادریېنۍ، ئاشکراش کەرڎ یاسین کایوڵ و سەروازېوە گرێبەست بەنامۍ ئیسماعیل یلمازیچ سزادریېنۍ و ئەرەیاۋناشا کە دروۍ ئەرەیاۋناکاو جەنگی تایبەتی ئاشکرا کەرۆ.
ناوەنڎوو ئەرەیاۋنا و چاپەمەنی هەپەگەی جە بەیاننامېوەنە ئەرەیاۋناش، زەرەرەکۍ سەروازاو تورکی جە ڕای گردینی شاریاوە و میدیاکاو جەنگی تایبەتی سوپاو تورکی پېسە سەرکەوتەی نیشانە مڎا.
بەیاننامەکەو ناوەنڎوو ئەرەیاۋنا و چاپەمەنی هەپەگەی پی جۊرەنە:
" هێزەکېما جە ساڵیاڎوو ئەرەمەرزناو پەکەکەینە، ئۆپەراسیۆنی شۆڕشگێڵانەو گەشمەرڎە لەیلا سۆرخوین-ێشا بە سەرکەوتەیی ئەنجامدا و گورزێوە قورسەشا جە سوپاو ئەرەگیروو تورکی شانان. سزاو ١٨ ئەرەگیراشا دان. چنی ئانەیچ سوپاو ئەرەگیروو تورکی و میدیاو جەنگی تایبەتی هەم شکستشا و هەم مەردەکاشا جە ڕای گردینی شاراوە، سەروو بنەماو ئا جەنگە تایبەتەیە بەردەوام هەواڵۍ ساختۍ سەروو مێزېوۍ ئاماڎېنۍ و بانگەشەو ئانەی کریۊ کە گەریلا زەرەرۍ فرەشا ۋەرکۊتەن، حەرپاسە زەرەرەکا سوپاو دەوڵەتوو تورکی بە تەمامی مشارۊوە و حۊڵمڎا پاسە نیشانەش بڎا کە سوپاو ئەرەگیروو تورکی سەرکۊتەن، بەڵام با گەلوو تورکی و جەماوەری ئا ڕاسیە بزانا کە دەوڵەتوو تورکی و میدیاو جەنگی تایبەتی بە چەواشەکاریەکاش گرڎ لېوە فریو مڎا، جە وەختېنە هەڵای جەنازەو سەروازەکاش ئینا چېروو دەسوو هێزەکامانە و تەنانەت ۋېچشا مەکەرا بە ساحیب و جەنازەکاشا.
دماو ئۆپراسیۆنی شۆڕشگێڵانەو گەشمەرڎە لەیلا سۆرخوینۍ، دەوڵەتوو تورکی پەناش پۍ هەمان ڕێبازی بەردەنۆ و تەنیا ٣ کوشیۍ ۋېش ئاشکرا کەرڎۍ، بەڵام ئەوۍ تەرېش شارتېوە. بێجگە چا سەروازا کە بە نامەکا نەجدەت چالش و ئەمرە گوندوز و فەڤزی کزڵتاش کە نامېشا جە لایەن و سوپاو تورکیوە ئاشکرا کریېنۍ، ئانەیچ ئاشکرا بیەن کە یاسین کایول و سەروازی پیادە ئیسماعیل یلماز خەڵکوو شاروو ڕحای جە ئەڎابیەو ساڵەو ١٩٩٩ جە لایەنوو هێزەکانماوە سزا دریېنۍ.
گەریلاکاو ئازاڎیی کوردسانی، سەرەڕاو ئا گورزە قورسۍ جە ئۆپەراسیۆنی شۆڕشگێڵنی گەشمەردە لەیلا سۆرخوین-ېنە جە سوپاو ئەرەگیری تورکیشا شانا، دیسان چەواشەکارییەکۍ جەنگوو تایبەتوو تورکیایشا ئاشکرا کەرڎ و سەرنجشا وست سەروو ڕاسی جەنگوو کوردسانی.
زانیاری زیاتەر سەروو چالاکیی و هجومەکا دەوڵەتوو تورکی ئەرەگیری پی جۊرەنە:
هەرێموو ۋەرنیشتوو زاپی- گەشمەرڎە دەلیل؛
٢٦و تشرینوو دووەمی سەعات ١٦:٣٠ دەیەقۍ جە مېڎانوو مدرامانوو کەش و ئێف ئێمی، درۆنێوە بەبۊمب چنیا گەرەکش بۍ سەنگەرەکاما بۆردومان کەرۊ، ئاسمانەنە دلېنەبریا.
٢٦و تشرینوو دووەمی سەعات ١٢:٠٠، ١٤:٣٠، ١٦:٠٠ و ١٩:٠٠ جە مېڎانوو مدرامانوو کەش و جودی بە چەکی قورس و نیمچە ئۆتۆماتیک گورزە جە ئەرەگیرا شنیا.
٢٦و تشرینوو دووەمی سەعات ١٦:٠٠ جە مېڎانوو مدرامانوو کەش و جودی، بە نیشانەماڕۍ ئەرەگیرېوە سزادریا. چالاکییەکە جەلایەنوو هێزەکاو یەژا ستاریماوە کریا.
٢٦و تشرینوو دووەمی سەعات ١٠:٠٠ و ١٦:٤٠ دەیەقۍ جە مېڎانوو مدرامانوو کەش و ئامێدی بە تەقەو قەناس بەدەسەکاما ٢ ئەرەگیرۍ سزا دریۍ.
هەرێموو خواکورکی؛
٢٧و تشرینوو دووەمی سەعات ١٠:٤٥ دەیەقۍ جە مېڎانوو مدرامانوو کەش و گەشمەرڎە حەقی بە چەکی قورس جە ئەرەگیرا دریا. جە چالاکییەکەنە پێگېوە ئەرەگیرا تێکدریا و ٣ ئەرەگیرۍ چنەشەنە سزا دریۍ.
هەرێموو مەتینای؛
٢٦و تشرینوو دووەمی سەعات ٠٩:٢٠ دەیەقۍ جە مېڎانوو مدرامانوو کەش و ئۆرێ بە چەکی قورس جە ئەرەگیرا دریا. چالاکییەکە جە لایەنوو هێزەکاو یەژا ستاریماوە کریا.
هجومەکۍ سوپاو تورکی ئەرەگیری بە تەقەمەنی قەڎەغەکریای و گازی کیمیاۋیی و درۆنی بەبۊمب چنیای ؛
٢٦و تشرینوو دووەمی جە مېڎانوو مدرامانوو کەش و چارچەلێ، جە هەرېموو مەتینای سەنگەرەکۍ جەنگی جارێوە بە درۆنی بەبۊمب چنیای بۆردومان کریۍ.
هجومەکۍ سوپاو تورکی ئەرەگیری ؛
٢٦و تشرینوو دووەمی جە مېڎانووو ۋەرنیشتوو زاپی- گەشمەرڎە دەلیل: مېڎانوو مدرامانوو کەش و وەهاری جارێوە، جە مېڎانوو مەتیناینە: دەگاو شێلازۍ، گۆڵکای، دەگاو دەرگەلێ ٣ جارۍ؛ بە گرڎی ٤ جارۍ بە فڕۆکەی جەنگی بۆردومان کریۍ.
مېڎانوو زاپی، ۋەرنیشتوو زاپی گەشمەرڎە دەلیل، مەتینا و خواکورک بە تۆپۍ بۆردومان کریۍ.
