جە ئامارەکا هەپەگەینە ئامان: "جە فەسڵو زمسانینە بە تاکتیکی جیاواز ١٣ جارۍ جە ئاسمانۆ و ٥٠ جارۍ جە زەمینۆ؛ بەگرڎی ٦٣ جارۍ گەریلا چالاکیش کەردەن." دۊڵەتو تورکیچ هرووژمەکېش بە بەکار ئاوردەی چەکی کیمیاویی و تەقەمەنی قەڎەغەکریای بەردەواما.
مېیانوو ئەرەیاۋنای و چاپەمەنی هێزەکاو پارېزنای گەلی- هەپەگەی دەربارەو جەنگو مانگەو کانوونو دووەمو ٢٠٢٥ بە ئەرەیاۋنێوە ئی ئامارێشە وەڵا کەرڎۍ:
"دۊڵەتو تورکی ئەرەگیری و قڕکەری و حکومەتو ئاکەپەی فاشیستی جە مانگۆو کانوونو دووەمو ٢٠٢٥ینە هرووژمەکۍ جە سەرنیشتو کوردەسانی و هەرێمەکاو پارېزنای مەدیای بەبێ مردای بەردەواما. جە دلۍ مانگۊو کانوونو دووەمینە جە سەرنیشتوو کوردەسانی جە دێرسیمۆ تا سەرحەد، جە خەرزانۆ تا ئامەد، جە مێردینۆ تا بۆتان، جە جۆلەمێرگ و بۆتانەنە سەڎان ئۆپەراسیۆنۍ سەروازیۍ ئەنجام دان. بەڵام گرڎو ئی ئۆپراسیۆنا بێ ئەنجام مەنېوە. سەرەڕاو هرووژمە ئەرەگیریە ئاسمانیەکا سەرو هەرێمەکاو پارېزنای مەدیای، ئۆپراسیۆنە ئەرەگیریەکا سەرو گەلەکەیما جە سەرنیشتوو کوردەسانی بەردەواما و چنەشەنە چڼین هاموڵاتیۍ مەدەنیۍ گەشمەرڎۍ بیۍ. ڕژێمو فاشیستی ئاکەپە-مەهەپەی کە جەخت مکەرۆوە سەرو سیاسەتو قڕکەردەی، ۋەرو چەما جەهانیوە کەسانۍ مەدەنیۍ تیرۆرۍ مکەرۆ و بە بەکارئاوردەی چەکی کیمیاویی و قەڎەغەکریای جە دژوو گەریلای تاوانەو جەنگی ئەنجام مڎۆ. دۊڵەتو تورکی ئەرەگیری دلۍ مانگەو کانوونو دوووەمینە ٥ جارۍ بە چەکی کیمیاویی، ٩ جارۍ بە درۆنی جەنگی و ١١٣ جارۍ بە تەقەمەنی قەڎەغەکریا هرووژمش کەرڎەن سەرو مەڕەکاما جە هەرێمەکاو پارېزنای مەدیای. هامکات مېڎانەکۍ مڎرامانی ٢٣٥ جارۍ بە فڕۆکەی جەنگی و ٥٩ جارۍ بە هەلیکۆپتەری جەنگی بۊمبواران کریێنۍ.
گەریلاکاو ئازادی کوردەسانی جە ۋەرا ۋەرو ئی هرووژمانە جە سەرنیشتوو کوردەسانی و هەرێمەکاو پارېزنای مەدیاینە بە بێ مردای دێژە مڎا بە ئەوەکۊشایشا. هێزەکېما کە بە ئازایی و پێرفۆرماسیۆنێوە بەرزۆ جە ۋەرا ۋەرو ئی هرووژمانە ئینۍ مڎرامانەنە، دلۍ ئاژەو فەسڵو زمسانینە بە تاکتیکی جیاواز ١٣ جارۍ جە ئاسمانۆ، ٥٠ جارێچ جە زەمینۆ؛ بەگرڎی ٦٣ جارۍ چالاکیشا کەرڎەن. چی چالاکییانە ٦ ئەرەگیرۍ سزادریێنۍ، ئەرەگیرێوەیچ زامڎار کریان. هەرپاسە چڼین ترۊمبېلۍ سەروازیۍ، کەرەسە و پەنەوازیۍ سەروازیۍ دلېنەبریێنۍ و گورزەشا ۋنە شنیێنە.
گەریلاکاو ئازادی کوردەسانی جە ۋەرا ۋەرو گرڎو هرووژمەکانە بە ئەوەکۊشای بیەی و ئازادی گەلوو کوردی بە ڕوحی فیدایی ئاپۆییۆ ئینۍ مڎرامانەنە و پېسە ئانەی گرڎ کاتێ ئەنجامش دان، جە ئیساتۍ و دماتەریچەنە جوابو ۋەرپەرچدایۆی پەنەوازی مڎا."
ئامارەو جەنگی ۋەرفراوانو مانگۊو کانوونو دووەمی پی جۊرەنە:
هرووژمەکۍ سوپاو تورکی:
چالاکییەکۍ گەریلای:
زەرەرەکۍ دژمنی:
ئا کەرەسۍ دلېنەبریێنۍ:
ئانۍ گورزەشا ۋنە دریێنۍ:
