ئەرەیاونیاو ناوەندو ئەرەیاونای و چاپەمەنیی هەپەگەی ئینەن:

"گەریلاکاو ئازاڎیی کورڎسانی بە جۆشێوی گەورە و بە ڕۆحو مدرامانو کاوەی هامچەرخی مەزڵوم دۆغانیوە خێرامایشا وەنەو مانگەو ئاداری و جەژنەو ژیوایۆ نەورۆزی کەرد. گەریلێکێما مانگەو ئادارینە دژو گردو هجوومە عاسمانی و زەمینییەکاو دەوڵەتی ئەرەگیرکەری و چەوسنەرو تورکی جوابی پێویسشا داوە و مدرامانی گەورەشا کەرد. هەرێمەکاو سەرنیشتو کورڎسانینە تا هەرێمەکاو پارێزنای مەدیای، گەریلێکێ  ئازاڎیی کورڎسانی گرد یاگێونە بە ڕۆحی فیداکاریی ئاپۆییەو درێژەشا بە کۆشیای دا و مانگەو ئادارو ٢٠٢٤ینە هەنگامێ گرنگێشا نیێ.  

١٩و ئادارینە  مەیدانو مدرامانو کەشو ئامێدیی زاپینە بە ئۆپەراسیۆنی شۆڕشگێڵنی گەشمەرڎە جوان-گەشمەرڎە ئەندۆکی گورزێوی سەختشا وەنەو دوژمنی شانا. هێزەکێما کە بە ئۆپەراسیۆنێوی شۆڕشگێڵنی مانادار خێرامایسا وەنەو نەورۆزی کەرد، نەورۆزشا بە جۆشێوی گەورەوە مەبارەک کەرد و مەراسیمی سەروازییشا کەرد. گەریلێکێما پی مەراسیما لاێوە جەژنەو ژیوایۆشا مەبارەکە کەرڎە، لاێوی تەرۆ دڵسۆزییشا پەی ڕابەر ئاپۆی و گەشمەرڎا تازە کەرڎۆ، ئەوەخوایشا کەرڎۆ، کە گرد ڕوێوە پەی کۆشیای ساڵێ نەوێ ئامادێنێ.

" نەورۆزنە ئەرەیاوناما یاوێنمی بە هێز و هونەرو دایوەنەی فڕۆکەی بێفڕۆکەوانی جەنگکەری"

هێزەکاو پارێزنای گەلو کورڎسانی نەورۆزو ئازاڎیینە مزانێوی گەورەشا دا بە گەلو کوردی وەڵاتپارێزنی و دۆسەکاشا. ئەرەیاوناشا یاوێنێ  بە حاس و هێزێوە، کە ماشێنەکاو مەرەی بوزانێرە واری، کە بە سیها نامێ بریا و لاو دەوڵەتی قڕکەر و چەوسنەرو تورکی و هێزەکاو پەشتیشەوە دژو گەلەکەیما و جمیەرەکەیما بەکارێ مەیا. ئاماری گردینو دایوەنەی جە سیهاکاو دەوڵەتو تورکی، کە  ١٣و شوباتو ٢٠٢٣ێوە دەسش پەنە کەرد، نەورۆزو ئێساڵینە ئاشکراش کەرد. گەریلاکاو ئازاڎیی کورڎسانی سیهانە حەرەوەڵێکەوتەکاو دەوڵەتو تورکی، گرد نۆعە سیهاکا پێسەو ئاکینجی و ئاکسونگور و ئانکا و بایرەقدار TB2ی، ١٥ دندێشا وستێنێرە واری، لوێنێ سەرو قەراپووەکاشا و پێسە کۆشیای ئازاڎیماشا دژو چەوسنەرا یاونا حاسێوی تازە. ئی هەڵمەتەو گەریلایە کە پارێزنای گەلو کوردی  قەوەت مکەرۆ، دلێ گەلی وەڵاتپارێزنیمانە بە جۆش و کەیفوەشیێوی گەورەوە خێرامایش وەنە کریا و ئینەیچ کاریگەرییش سەرو گردو مەیدانو نەورۆزیوە نیارە.  

حاسیوی پرۆفیشناڵ، کە گەریلاکاو ئازاڎیی کورڎسانی عاسمان و زەمیننە یاوێنێش پەنە، جارێوی تەر نیشانەش دا کە پاگێرتەیرە ڕژێمی فاشیستی ئاکەپە-مەهەپەی سەرو جەنگی و سیاسەتو قڕکەرڎەی حیچ ئەنجامێوەش نمەبۆ. ئینەیچ هومێدو ئازاڎی و باوڕو سەرکەوتەی گەلەکەیماش فرەتەر گەورە کەرد.

ئۆپەراسیۆنێوی شۆڕشگێڵنی و ١٤ چالاکیێ

مانگەو ئادارینە ئۆپەراسیۆنێوی شۆڕشگێڵنی و ١٤ چالاکیێ گەریلای کریێنێ. جە کۆشیای مانگەو ئادارینە هامڕێما ئەکین ڕۆدی و جانشێر شێراوا، کە بە ڕۆحی فیداکاریی ئاپۆییوە لوێ سەرو دوژمنی، گەشمەرڎێ بیێ. واوەی میدیاو جەنگی تایبەتو تورکی زەرەرەکاو سوپای ئەرەگیرکەرەو تورکی مشارۆوە و و بە هەواڵی دروینە گەرەکشا ڕای گردینی بخەڵەتنۆ. ئێمەیچ پێسەو وەڵتەری ، ئی جاریچە و چێ بەدماوە، بە زانیاری و بەڵگە و دیمەنێ، دروەکاو میدیای جەنگی تایبەتو تورکی ئاشکرا مکەرمێ و ڕاسیی جەنگی کورڎساننە پەی ڕای گردینی وەڵا مکەرمێوە.

ئامارو جەنگو مانگەو ئاداری

ئامارو جەنگو مانگەو ئاداری ئینەن:  

هجوومەکاو سوپای ئەرەگیرکەرەو تورکی

هجوومو فڕۆکەی جەنگی: ٢٢٦

هجوومو هەلیکۆپتەری: ٥

هجووم بە تەقەمەنیی قەدەغەکریا: ٩

هجووم بە درۆنی جەنگکەر: ١٥

چالاکیی گەریلای

چالاکییە گردینەکاو گەریلا: ١٥

کوشیایا دوژمنی

ژمارەو ئا ئەرەگیرکەرا کە سزا دریێنێ: ٤٣

ژمارەو بریندارە ئەرەگیرکەرا: ١١

ئامێرێ مەڕیێ

کۆنتێنەرێ: ٣

سەنگەرێ: ٧

سیستمێ ڕاداری: ١

کامێرێ مۆبێسێ: ١٢

پرۆژێکتۆرێ: ٨

کامێرێ: ٧

خەیمێ: ٢

بۆمبشانێ زنجیرڎارێ: ١

ئا چەک و ئامێرە سەروازیێ کە دەسشا ملەرە گیریان:

چەکی بی کەی سی نیمچە ئۆتۆماتیکێ: ١

زنجیری بی کەی سی-یێ: ١

فیشەکی بی کەی سی-یێ: ١٥٠

چەکێ بۆمبشانێ B7: ١

چەکی فەردیێ MPT-55 : ٢

دووروینێ ڕۆی: ١

ئامێرێ دەسنیشانکەرڎەی چەکی: ١

سیستمێ دەنگی: ١

دەستکێشێ: ١

پاتریێ گەرمیی: ٢

ئاداپتۆرێ گەرمیی: ١".