جە ئەرەیاۋناو ناوەنڎوو ئەرەیاۋنای و چاپەمەنی هەپەگەینە ئامان: "جە ٢٧و کانوونوو یووەم و ٢٠١٧ینە جە هجومېوە دوژمنینە پۍ سەروو هەرێمەکاو پارېزنای مەدیای، ژەنی بەغیرەتەو جزیرا بۆتانی و ئەویندارەو ئازاڎیی هەڤاڵەما دیلان جزیرییە گەشمەرڎۍ بیە".

جە درێژەو ئەرەیاۋناکەینە ئامان: "بە تامەزرۆیی ئازاڎیۆ، ڕووەش کەرڎە کەشەکاو کوردسانی، جە گرڎ بوارێوەنە و جە گرڎ یاگېنە چنی هەڤالاش بە ئازاڎیی ژیۋۍ. هەڤاڵەما دیلانە بە پرەنسیپوو ۋېش جە کۊشیای ئازاڎینە بیە بە جەنگاوەرێوە نموونەییە جە جەنگاوەرا پەکەکەی و پاژکینە. یاڎوو هەڤاڵا گەشمەرڎەیش پۍ ۋېش کەرڎەبۍ بە سەرچەمەو ژیۋای و کۊشیای، جە گرڎ ساتێوەنە هەست پینەی کەرۍ و حۊڵ دۍ جە کۊشیای ۋېشەنە نیشانەش بڎۆ.

جە ساڵیاڎوو گەشمەرڎەبیەیشەنە بە ڕێز و پنەزانایۆ یاڎوو هەڤاڵېما دیلانۍ کەرمېوە، وەعدما واوەی کەرمېوە کە کۊشیایما سەروزمۍ. پی بۆنۆ پەرسەو سەرەوەشی ۋېما ئاراسەو بنەیانەی بە قیمەتوو هەڤاڵېما دیلانۍ و گرڎوو گەلوو بۆتانی و گەلوو وڵاتپارێزوو کوردسانی  کەرمۍ.

زانیاری سەروو ئشناسنامەو گەشمەرڎە دیلان جزیریۍ پی جۊرەنە:

ناسنامۍ / دیلان جزیر

نامۍ و دما نامۍ / دیلەک یڵدز

شۊنماو جە ئەڎابیەی / شرنەخ

نامۍ ئەڎۍ و نامۍ تاتەی / ئەمینە-زەکی

شۊنماو وەختوو گەشمەرڎەبیەی / ٢٧ و کانوون و یووەم و ٢٠١٧ ی / هەرېمەکۍ پارېزناو مەدیای