هەپەگە یاڎوو گەریلۍ یەژاستاری ژیان وڵاتۍ (ژیان شاهین)ێش بەرز راگرت، کە جە ئاکاموو رووەدایۍ جە هەرێمەکاو پارېزنای مەدیاینە گەشمەرڎۍ بیېبۍ، حەرپاسە ئەرەیاۋنایچش: "وەعد مڎەیمۍ کە لایەق بە ژیۋای و یادەوەرییە ماناڎارەکاش بیمۍ".
ناوەنڎوو ئەرەیاۋنای و چاپەمەنی هەپەگەی جە ئەرەیاۋنېوەنە ئاماژەش پانەی کەرڎەن، " هامڕېما ژیان وڵاتە کە کناچۍ بە قیمەتەو گەلوو ئامەدینە، جەنگاوەرۍ قارەمانەو پەکەکەی و پاژکی و جەنگەوانەو ئازاڎیی یەژاستاری جە ٨و تشرینوو دووەموو ٢٠١٣ی وەختۍ لوۍ پۍ سەروو ئەرکەکەیش ، جە ئاکاموو ڕووەدایېنە گەشمەرڎۍ بیە. ئێمە هامڕا ژیان وڵاتۍ کە جە تەماموو ژیۋای شۆڕشگێڵنیی ۋېشەنە بە وەشەویسی گەلی، وڵاتپارێزی و بە وەشەویسی ژیۋای ئازاڎیی پېسە زیلانەکا ژیۋا، جە ساڵیاڎوو گەشمەرڎەبیەیشەنە بە قەڎرۆ یاڎش کەرمېوە و سەرەوەشی جە بنەیانە بەرێزەکەیشا و تەماموو گەلوو وڵاتپارێزوو کوردسانی کەرمۍ. وەعد مڎەیمۍ کە یاڎوو ژیانەکا بە بەرزکەردەیۆ و شۊکنایۆ ئاڵاو کۊشیای و بەردەیش بەرەو سەرکەوتەی، تاجدار کەرمۍ".
زانیاری جە بارەو ئشناسنامەو هامڕا گەشمەرڎەکېماوە پی جۆرەنە:
ناسنامۍ / ژیان وڵات
نامۍ و دمانامۍ / ژیان شاهین
شۊنماو جە ئەڎابیەی / ئامەد
نامۍ ئەڎۍ و نامۍ تاتەی / رەمزیە - ئەحمەد
شۊنماو وەختوو گەشمەرڎەبیەی / ٨و تشرینوو دووەموو ٢٠١٣/ هەرێمەکۍ پارېزناو مەدیای
