ناوەنڎوو ئەرەیاۋناو چاپەمەنی هېزەکا پارېزنای گەلی (هەپەگە)ی، جە ئەرەیاۋنېوەنە ئشناسنامەو ٢ گەریلایاش ئاشکرا کەرڎ، کە جە هەرېموو زاپینە گەشمەرڎۍ بیېنۍ.

جە ئەرەیاۋناکەینە ئامان:

ڕۊو ١ و ئاب و ٢٠٢٣ۍ  جە مېڎانوو مدرامانوو کوڕەژارۊی سەر بە زاپی دژ بە سوپاو ئەرەگیری ترکی جەنگ ڕووەش دا. دماتەر چا بۊردومانەنە کە کریا، هامڕېما ماهیر و عەگید گەشمەرڎۍ بیۍ.

هامڕېما ماهیر و عەگید بۍ ئانەی هەنگامۍ جە خەتەو مدرامانینە بەرەو دما بنیا، فیداییانە جەنگشا کەرڎ و بە چنەئامایی پەنەوازیەکۍ جەنگاوەری ئاپۊیشا جابەجۍ کەرڎۍ. هامڕېما بە هەڵۋېسشا یاگۍ شکۊمەنڎانېشا جە تاریخمانە گېرتۊ. پۍ ئانەی ۋنەپەرسایۊ چا تاوانا کەرا کە سوپاو ترکی ئەرەگیری جە دژوو گەلەکەیما کەردېنێش، حەر ساتېوەشا بە ورد بیەیۊ ڕایی کەرڎ کە گورزە ئۊو دوژمنی بڎا. هامڕېما ماهیر و عەگید بیۍ بە جەنگاوەرۍ سەرمەشق و گەریلای سەردەمۍ تازەی.

پەرسەو سەرەوەشی ۋېما ئاڕاسەو خانەواڎە بە نرخەکەیشا، کە قارەمانۍ پېسە ماهیری و عەگیدیشا بە کۊشیای ئازاڎیی گەلەکەیما زیاڎ کەرڎۍ و حەرپاسە گرڎوو گەلی ۋڵاتپارېزوو کورڎسانی کەرمۍ، وەعد واوەی کەرمېوە کە حەقەو گەشمەرڎاما مسانمۍ.

زانیاری سەروو ئشناسنامەو گەشمەرڎاما پی جۊرەنە:

ناسنامۍ / ماهیر باشکالە

نامۍ و دمانامۍ / دەنیز ئەرسوو

یاگۍ جەئەڎا بیەی / وان

نامۍ ئەڎۍ و نامۍ تاتەی / سەفیە - محەمەد

وەخت و یاگۍ گەشمەرڎەبیەی / ١ و ئاب و ٢٠٢٣ / زاپ

****

ناسنامۍ / عەگید سەردار

نامۍ و دمانامۍ / دیار ماردینی

یاگۍ جەئەڎا بیەی / حەسەکە

نامۍ ئەڎۍ و نامۍ تاتەی / شیرین - لوقمان

وەخت و یاگۍ گەشمەرڎەبیەی / ١ و ئاب و ٢٠٢٣ / زاپ