هەپەگە ئشناسنامەو ٢ گەشمەرڎاش ئەرەیاۋنا
هەپەگە شناسنامەو ٢ گەریلایاش ئەرەیاونا کە جە خواکورکەنە گەشمەرڏێ بیێ و ئاماژەش پانەیە کەرد: "هەڤاڵێما ئەکینە و میترا بە قووڵبیەیۆیشا جە کەسایەتی وێشانە، ئەرەکۆشای ئازادیی ژەناشا بە بنەما گێرت".
مېیانو ئەرەیاونای و چاپەمەنی هەپەگەی سەبارەت بە گەشمەرڏەبییەو گەریلا ئەکینۍ و میترۍ ئەرەیاونێوەش وەڵاکەردۆ.
دەقو بەیاننامەکەی پی جۆرەنە:
"هەڤاڵێما ئەکینە و میترا جە ٦و ئۆکتۆبەرو ٢٠٢٤ ینە جە هرووژمێوە دژمنینە جە هەرێمو خواکورکی گەشمەرڏێ بیێ، هەڤاڵێما ئەکینە و میترا شۆڕشگێڵنۍ فیداییۍ فەلسەفەو 'ژەنی، ژیوای، ئازادی'،بێنۍ، کە بییەن بە ئاڵا و دروشمۆو مڏرامانو ژەنا جەهانی وئیرادەو سەڎەو ٢١ ی و بەهێز و ڕادیکاڵبیەیۆ سەدەو ٢١یشا کەرد بە سەدەو ژەنا، جە کەسایەتی ئاڎیشانە گردو گەشمەرڏا ئازادی بە ڕێزدارییۆ یاڏۍ مارمێوە و ئەرەیاونمێش، مەرامەکاشا بەدی مارمێنە.
هەڤاڵێما ئەکینە و میترا پا باوەڕیۆ کە ئازادی کۆمەڵایەتی و ئازادی ژەنا تەنیا بە پارادایمو ئازادی ژەنێ و دیموکراتیکی و ئیکۆلۆژیی ڕابەر ئاپۆی بەدی مێنە، دەسشا بە هەرمانەو ئەرەکۆشای کەرد و جە ژیواو شۆڕشگێڵانەو وێشانە نوێنەرایەتی هێڵەو ژەنا ئازادیشا جە ئەستۆ گێرتەبێ. هەڤاڵێما بە عالی درکشا پانەیە کەردەبێ کە ئازادی بەبێ وێپارێزنای بییەیش نییا و چا چوارچێوەنە دەسشا بە ئەرەکۆشای کەرد. ئەر چێش ئەرزشۍ فرەش بێ بەڵام بە بێ دووەدڵی جە سەختتەرین بوارەکا ئەرەکۆشاینە خزمەتشا کەرد. هەڤاڵێما ئەکینە و میترا جە گردو بوارەکا ئەرەکۆشاینە هەوڵ دێنێ ژیوایێ پەڕ ماناشا بۆنە، سەرو ئی بنەمێ ئەرکی سەرەکی وێشا جە ئەرەکۆشای ئازادیی ژەنێنە قووڵتەر کەردۆ. هەڤاڵەکێما جە گردو بوارەکانە پیمەرەکا ژیوای ئازادی پارتیما پاژکیشا پارێزنان، بە ژیوای و ئاستو ئازادیشا بیێ نموونێوە وەرچەم چا ئاستەنە کە جە فەلسەفەو ئاپۆیینە بەدەسشا ئاردەبێ. هەڤاڵێما ئەکینە و میترا ئنەو گەشمەرڏەبیەیشا، بە دڵسۆزیی و ئەرەکۆشایشا بیێ نموونێوە پەی ژەنە وێڕاگیرا و ئەرک و وەرپرسیارەتی سەرکەوتەیشا پەی جیائاستیمێ.
سەرو ئی بنەمێ قەولو سەرکەوتەی ئەرەکۆشای ئازادیی بە هەڤاڵاما ئەکینۍ و میترۍ واوەی مکەرمێوە. هەرپاسە سەرەتا سەرەوەشی وێما ئاراسەو بنەیانەی قارەمانیشا و گردو گەلی وڵاتپارێزنو کوردەسانی مکەرمێ.
زانیاری سەرو شناسنامەو هەڤاڵاەگەشمەرڏەکاما ئینەن:
ناسنامۍ: ئەکین دڵدا
نامێ و دمانامێ: زلێخا مەحجوب
شۊنەماو جە ئەڏا بییەی: ئەرزۆم
ئەڏا-تاتە: مەریەم-محەممەد
کات و یاگێ گەشمەرڏە بیەی: ٦/١٠/٢٠٢٤ خواکورک
*****
ناسنامۍ: میترا مانی
نامێ و دمانامێ: زەینەپ ئاسلان
شۊنەماو جە ئەڏا بییەی: شرناخ
ئەڏا-تاتە: سەیمەن-محەممەد سەیفەدین
کات و یاگێ گەشمەرڏە بیەی: ٦/١٠/٢٠٢٤ خواکورک
*****
