هەپەگە ئشناسنامەو ٣ گەشمەرڎاش ئاشکرا کەرڎ
هەپەگە ئەرەیاۋناش، کە بۆتان و وانەنە ٣ گەریلۍ گەشمەرڎۍ بیێنۍ و ئشناسنامەو ئا یەرە گەشمەرڎاشە ئاشکرا کەرڎ.
مېیانو ئەرەیاۋنای و چاپەمەنی هەپەگەی سەبارەت بە گەشمەرڎەبیەی ٣ گەریلایا ئەرەیاۋنێوەش وەڵا کەرڎۆ کە پی جۆرەنە:
"جە ٣٠-٣١و تەمووزو ٢٠٢٤ ینە جەنگاوەرا ئاپۆیی هەمڕێما ئەیلەمە و سۆزدارە کە دژوو ئۆپراسیۆنەکا دژمنی جە هەرێمو ئەلکێی بۆتانی بە پاو زېڵۍ سەردەمی بە شێوۍ گیانبازانە جەنگشا کەرد، گەشمەڕڎۍ بیۍ.
هەمڕێما ئەیلەمە و سۆزدارە کە بە پاگیری و قەرارداری سەرکۆتەی ئەرەکۊشای ئازاڎیی گەلەکەیما جە بەرزتەرین ئاستەنە ژیۋۍ و ئانەشا جە پراکتیکی گەریلایەتی ۋێشانە سەلەمنا، جە مېڎانوو بۆتانیچەنە پراکتیکی سەرکۊتانەو ۋێشا بەشێوۍ دۆڵەمنڎانە درێژە پنەدا. هەمڕێما ئەیلەمە و سۆزدارە بە دەیان هرووژمۍ و ئۆپراسیۆنۍ دژمنیشا بە شێوۍ سەرکۊتانە ماڕۍ، جە گرڎ مەجالێنە دژوو دژمنی چالاکی کاریگەرشا ئەنجامدا و نەبەزییای گەریلاکاو کورڎەسانیشا جارێوەتەر سەلەمناوە. هەمڕێما بە رەنجی پیرۆزو ۋێشا و گیانبازی ۋێشا ڕاشا جە ئەرەکۆشای ئێمەنە گێرت.
ئێمە پېسە هەمڕایاشا، ئەرەکۊشای ئازاڎیی کە هەمڕێما ئەیلەمە و سۆزدارە رادەسوو ئێمەشا کەرڎەن، بە هوشیاری ئانەی کە لایەق پاڎیشا بیمۍ زیاتەر گۆرە مکەرمۍ و بە دڵنیاییوە وەرموو ئاڎیشا پەی ژیۋای ئازاڎیی مارمۍ دی.
زانیاری جە بارەو شناسنامەو هەمڕا گەشمەرڎەکاما پی جۆرەنە:
ناسنامۍ / ئەیلەم ستێرک
نامۍ و دما نامۍ / مریەم ئۆنور
شۊنەماو جە ئەڎابیەی / شڕنەخ
نامۍ ئەدۍ و نامۍ تاتەی / قەدریە - ئەحمەد
شۊنەماو کاتو گةسمەرڎەبیەی / ٣٠-٣١- تەمووزو ٢٠٢٤/ بۆتان
*****
ناسنامۍ / سۆزدار ئەڤین
نامۍ و دما نامۍ / بەتول ئایدن
شۊنەماو جە ئەڎابیەی / چەولیگ
نامۍ ئەدۍ و نامۍ تاتەی / والیدە- نەسرەدین
شۊنەماو کاتو گةسمەرڎەبیەی / ٣٠-٣١- تەمووزو ٢٠٢٤/ بۆتان
*****
ئارمانج دەڤریمە
هەمڕیما ئارمانج دەڤریمە جە ئابو ٢٠٢٤ جە ئۆپراسیۆنۍ دوژمنینە پەی سەرو مېڎانو کاتۆ مارینۆسی جە بۆتانەنە جە ۋەرا ۋەرو داواو وێدایدەسۆینە پېسە جەنگاوەرێوە ئاپۆیی ژەنۍ ۋەرپەرچی پەنەوازش داوە و جە دژو هێڵۊو خیانەتی هەڵوێسێوە ڕۆشنش گېرتەنە ۋەر، تا دما نەفەس بە شێوۍ گیانبازی جەنگش کەرد و گەشمەرڎۍ بییە.
هەمڕێما ئارمانجە کە جە تەماموو ژیۋایشەنە دڵسۆزەو فەلسەفەو ژیۋای ئازاڎیی رابەر ئاپۆی و بە وردبیەیۆ قووڵیش جە بنەماکا ژەنۍ ئازاڎێنە بەرکۆتە، تا دما هەناسەش بیە بە دڵسۆزەو بەهاکا ئازاڎیی کە بڕواش پنەشا بۍ و ڕاو ۋێش بە شکۆمەڼی جە تاریخو ئازاڎیی گەلەکەیمانە کەردۆ. هەمڕا ئارمانجە هیج دژواریێوەش ۋەردەموو ئەرەکۊشای ۋێشەنە بە ۋەربەس نەنیارە، بە پێچەوانۆ ئا ۋەربەسێشە کەردۍ بە پاڵنەرێوە کە ئەرەکۊشای ۋێش زیاتەر کەرد و جە کەسایەتی ۋێشەنە کەردێش بە مایۍ وەڵێکۊتەیش. هەمڕاکێما بە هەڵوێسی جەنگاوەرانەو ۋێش جە هەر مېڎانێنە بیێبۆ، بیێنە بە جەنگاوەرێوە نمونەیی پەکەکە-پاژکی. هەمڕێما ئارمانجە کە توڕەییش جە دژوو دژمنی کەرڎ بە بوارێوە پەی پەرە پنەدای بە ئەرەکۊشای ۋێش، پەی گرڎوو ژەنا و جوانا بیە بە جەنگاوەرێوە نمونەییە و بە پێودانگەکا ئازاڎیی کە پنەشا یاوێبۍ، پەی گرڎوو گەلەکەیما بیە بە شۆڕشگێڵنێوە نمونەییە.
ئێمە پېسە هەمڕایاش، ئەرەکۊشایۍ کە هەمڕا ئارمانجە رادەسوو ئێمەش کەرد، جە هێڵۊو مڎرامانی ۋێشەنە بە هوشیاری و ۋەرپرسیاریێوە کە لایەقش بیمۍ ، میاونمۍ بە سەرکۆتەی.
ناسنامۍ / ئارمانج دەڤریم
نامۍ و دما نامۍ / هاجەر تەکین
شۊنەماو جە ئەڎابیەی / جۆلەمێرگ
نامۍ ئەدۍ و نامۍ تاتەی / ئاسیا- حاجی
شۊنەماو کاتو گةسمەرڎەبیەی / ١٢ ئابو ٢٠٢٤/ وان
