ئەرەیاۋناو مېیانو ئەرەیاۋنای و چاپەمەنی هەپەگەی پی جۊرەنە:

"جە ئەرەیاۋناکەو ٩و شوباتو ٢٠٢٥یمانە ئەرەیاۋناما هەمڕێما زیلانە و دەلالە جە ٢٤و کانوونو دووەمینە جە دژو ئۆپەراسیۆنەکا بەشێوەی فیدایانە وەرەنگارۍ بیێوە و پەی ئانەی بە زیڼەیی نەگنا دەسو دژمنی ۋێشا تەقناوە و گەشمەڕڎۍ بیۍ.

هەمڕێما زیلانە و دەلالە پېسە نامۍ ۋێشا، پېسە خوڎاوەڼەو ئازادی هەمڕا زیلانە-زەینەب کناجۍ و دەلال-هولیا ئەرۆگلوۍ بیۍ بە گیانبەخشۍ ئازادی ژەنا، گەلوو کوردی و گرڎو گەلا تەری. ئەۋیندارا ژیۋای ئازادی هەمڕێما زیلانە و دەلالە پەی پارېزنای بیەو گەلەکەیما و پێکئاوردەی ئازادی بە شێوێوە فیدایانە ئەوەکۊشۍ. پەی ژیۋای ئازادی بە دڵسۆزییوە ڕووەشا کەرڎە کەشی، گرڎو سەختیەکاشا ۋەردەمو ۋێشانە ماڵێرە چنی گرڎو سەختی و کەم دەرفەتییەکا مڎرامانشا کەرد. جەنگەوانا قارەمانۍ یەژا ستاری و میلیتانی فیدایی ئاپۆیی بە ئازایی، بە بەشداربیەی، هەڵوێس و پێرفۆرمانسو ۋێشاوە سەرکۊتەی گۊرەشا جە چالاکیەکاشانە بەدەسئاورد. هەمڕێما کە هەریۆشا ڕۆڵەی هۊرچنیاو زەریفو گەلەکەیما و مرۆڤایەتی بێنۍ، جە هەر ناوچێوەنە کە چنەش بیێبا ئەوەکۊشایشا کەرڎ. بە هەڵویسەکاشا هێزشا دا بە هەمڕایاشا و سەرمەشقایەتیشا کەرڎ و بەشێوێوە بێ تەرس ئەوەکۊشۍ. پیمەرەکۍ ژەنۍ ئازادۍ، روحی فیدای، هونەرو گەریلای جە کەسایەتی ۋێشانە پێکئاورڎ و دلۍ هەمڕایانە بیۍ بە یاگۍ وەشەسیای و شکۆی. چا کاتەی چنی دژمنی ڕوبەڕوبیێوە بە ئازایی و توڕەیێ فرۆ گورزەی قورسەشا ۋنە ئەشۍ. کاتێ کە کۆڵۆنیال، نۆکەر و خیانەت یۆشا گېرت، هەوڵشا دا گرڎی پارچە بکەرا، نیشانەو دۆس و دژمنیشا دا کە میلیتانۍ فیدایی ئاپۆیی و ژەنا ئازادی کوردی هیچ کاتێ تەسلیمۍ نمەبا. پەی ئینەیچ بە شێوێوە ئازایانە جەنگشا کەرد بە بۆمبەکاو ۋێشا دمایشا بە ۋێشا ئارڎ، شکۆو ۋێشا پارێزنا و گەشمەرڎۍ بیۍ.

هەمڕێما زیلانە و دەلالە پی هەڵوێسە شکۆدار و فیداییەیشاوە بیۍ بە مەڵامەتو ئەوەکۊشایما، قەول مڎەیمۍ بە دڵنیاییوە ئامانجەکاشا مېیاونمۍ بە سەرکۊتەی. سەرو ئی بنەمایۍ سەرساغی مکەرمۍ جە بنەیانەی قارەمانو هەمڕا گەشمەرڎەکاما، جە گەلوو جۆلەمێرگ و گەلا ۋەرنیشتی و تەمامو گەلوو کوردی وڵاتپارێزیما.

زانیارییەکۍ دەربارەو ئشناسنامەو هەمڕا گەشمەرڎەکاما پی جۆرەنە:

ناسنامۍ / زیلان بۆتان

نامۍ و دما نامۍ / زیلان گولەر

شۊنەماو جە ئەڎابیەی / جۆلەمێرگ

نامۍ ئەڎۍ و نامۍ تاتەی /  تولی – سولەیمان

شۊنەماو کاتو گەشمەرڎەبیەی / ٢٤و کانوونو دووەمو ٢٠٢٥ / حەفتانین.

*****

ناسنامۍ / دەلال بۆتان

نامۍ و دما نامۍ / دەلال بۆتان

شۊنەماو جە ئەڎابیەی / دەرباسیە

نامۍ ئەڎۍ و نامۍ تاتەی / ئەحلام – ئیسماعیل

شۊنەماو کاتو گەشمەرڎەبیەی / ٢٤و کانوونو دووەمو ٢٠٢٥ / حەفتانین."

*****