هەپەگە ئشناسنامەو دووۍ گەریلایاش ئاشکرا کەرد کە جە ئۆپراسیۆنی شۆڕشگێڵنی گەشمەرڎە جوانی و گەشمەرڎە ئاندۆکینە گەشمەرڎۍ بیۍ و چا بارۆ ئەرەیاۋناش، "هامڕێما ئەکین و جانشێر جە ڕۊو نەورۆزینە نەبەزیۍ و نەمەڕیای هێزوو پەکەکەیشا سەلەمنا".
ئەرەیاۋناکەو ناوەندوو ئەرەیاۋنای و چاپەمەنی هەپەگەی پی جۆرەنە:
"جە ئەرەیاۋناو ٢١و ئاداروو ٢٠٢٤ینە پەی رای گرڎیی ئاشکراما کەردەبۍ کە هامڕێما ئەکین و جانشێر ١٩و ئاداری جە هەرێموو گەشمەرڎە دەلیلوو ۋەرنیشتوو زاپینە گەشمەرڎۍ بیۍ و ئێمە ئەرەیاۋنابێما کە زانیاری ۋەرفراوان جە بارەو ئشناسنامەو ئاڎیشاوە وەڵا کریۆوە. ١٩و ئاداروو ٢٠٢٤ جە ئۆپراسیۆنی شۆڕشگێڵنی گەشمەرڎە جوانی- گەشمەرڎە ئاندۆکینە جە هەرێموو گەشمەرڎە دەلیلوو ۋەرنیشتوو زاپینە ئەنجامدریا، گورزەی قورسە جە ئەرەگیرا شنیا و هامڕێما ئەکینە و جانشێر کە چا ئۆپراسیۆنەنە بە رۆحوو نەورۆزی لووۍ سەروو دوژمنی، بە گیانبازی جەنگشا کەرد و گەشمەرڎۍ بیۍ.
جەنگاوەرەی ئازۍ و فیداییەی ئاپۆیی و کۊشیاو ئازاڎیی ژەنا، هامڕۍ بە بەقیمەتەما ئەکین رۆدیە و هامڕاو رۆڵەی ئازاو عەفرینی هامڕاما جانشێر شێراوا جە ئۆپراسیۆنی شۆڕشگێڵنینە کە بە ویست و بڕیارداری گەورۆ چنەشەنە بەشدارۍ بێنۍ، جارێوەتەر ۋەنێوە تاریخیشا بە دەوڵەتوو تورکی ئەرەگیری دا.
هامڕێما ئەکینە و جانشێر بە رۆحی فیدایی ئاپۆیی و بە ئیراڎە، پێرفۆرمانسی بەرز و شێوازوو دایۋنەی پرۆفیشناڵی بیۍ بە دیارتەرین نمونەو ڕاپیمای سەرکەوتەی. هێزی نەبەزیا و نەمەڕیا و پەکەکەی کە پارتێوە نەورۆزین، جە ڕۊو نەورۆزینە جارێوەتەر سەلەمیاوە. پێسە شۊنکۊتەو ئاڎیشا سەرەوەشی جە گرڎوو گەلی وڵاتپارێزوو کوردسانی بە تایبەتی بنەیانەی بەقیمەتوو هامڕایاما ئەکینۍ و جانشێری مکەرمۍ؛ ئێمە وەعد مڎەیمۍ کە کۊشیای ۋێما کە هامڕایاما بەبە گوڕتەرکەردەی ئێروو نەورۆزی بەرزشا کەردۆ، بیاونمۍ بە سەرکەوتەی و یاڎوو ئاڎیشا بەرز راگێرمۍ.
زانیارییەکۍ جە بارەو ئشناسنامەو ئا هامڕایاماوە کە گەشمەرڎۍ بیۍ پی جۆرەنە:
ناسنامۍ / ئەکین رۆدی
نامۍ و دما نامۍ / دیلارا ئۆڵمەز
شۊنماو جە ئەڎابیەی / ئامەد
نامۍ ئەڎۍ و نامۍ تاتەی / نەسیبە- حیسامەدین
وەختوو شۊنماو گەشمەرڎەبیەی / ١٩/٣/٢٠٢٤ – زاپ
*****
ناسنامۍ / جانشێر شێراوا
نامۍ و دما نامۍ / کەمال مەروان ئۆسۆ
شۊنماو جە ئەڎابیەی / عەفرین
نامۍ ئەڎۍ و نامۍ تاتەی / بەهار - مەروان
وەختوو شۊنماو گەشمەرڎەبیەی / ١٩/٣/٢٠٢٤ - زاپ
