هەپەگە ئەرەیاۋناش، کە مەتینانە دووۍ گەریلۍ گەشمەرڎۍ بیۍ و ئانەش وست ڕووە، "وەعدما واوەی مکەرمېوە کە جە کەسایەتی هامڕا رەوشەنۍ و هەرەکۆلینە ئێمە لایەق بە گرڎوو هامڕا گەشمەرڎەکاما بیمۍ".
ئەرەیاۋناو ناوەنڎوو ئەرەیاۋنای و چاپەمەنی هەپەگەی پی جۆرەنە:
"هامڕێما رەوشەنە و هەرەکۆل ئاداروو ٢٠٢٤ ینە جە شۊنەی جیاجیاو هەرێموو مەتیناینە جە هجوومەکا دوژمنینە گەشمەرڎۍ بیۍ.
هامڕاما رەوشەنە کە نوێنەرایەتی کەسایەتی پاک و بێگەردوو گەلوو سەرحەدی کەرۍ، بە کەسایەتی ۋېڕاگری ۋێش گرڎوو دژوارییەکاو ۋەروو دەمیش ماڵېرە و بییە بە جەنگاوەرێوە ئاپۆییە، کە سەروو خەتەو ئازاڎیی ژەنۍ هەنگامە منیۆ. هامڕا رەوشەنە جە مودێوەنە کە جە تاریخوو کۊشیایمانە جەنگ جە قایمینە بۍ، بە گیانبازی جەنگش کەرد و هەڵوێسوو ۋێش بە گیانوو سەردەمی جە کۊشیای ئازاڎیی گەلەکەیمانە یاگێش گېرتە، کە حەجگیز جە ویر مەکریۆ.
هامڕاما هەرەکۆل کە بە هەستۍ گەورەی مرۆیۆ ۋێش بە قەرزارباروو گەلەکەیما ۋینۍ، بەشداربیەی جە ریزەکاو گەریلاینە پېسە ئەرکی نیێرە و بە پراتیکی ۋێش خەتەو کۊشیای گرڎوو گەنجا کوردیش دیاریکەردە. هامڕاما کە بە شێوێوە ڕۊشن ئەرەیاۋناش، کە جە دژوو هجوومی و کۆمکوشیەکا دوژمنی سەروو گەلەکەیما تاکە شۊنېوە پەی حیساب پەرسایۆ ریزەکاو گەریلاین و ئانەش بە کردەوە جابەجێ کەرد، بی بە نمونەو هەرە بەرجەسڎەو ئا گەنجە کوردا کە بە ویر و فەلسەفەو ئاپۆیی گۊرۍ بیێنۍ.
سەرەوەشی جە گرڎوو گەلی وڵاتپارێزوو کوردسانی، بە تایبەتیچ بنەیانەو قیمەتداروو هامڕایاما رەوشەنۍ و هەرەکۆلی مکەرمۍ، کە جە گرڎ مېڎانېنە توڕەیی ۋێشا دژوو دوژمنی فاڕا پەی چالاکی و تاکە ئاواتشا بنیاڎنیای وڵات و ژیۋایۍ ئازاڎیی بۍ. وەعدما واوەی مکەرمېوە کە ۋەرم و ئاواتەکاو هامڕایاما رەوشەنۍ و هەرەکۆلی بکەرمۍ بە پاڵنەروو کۊشیای و جە کەسایەتی ئاڎیشانە لایەق بە گرڎوو گەشمەرڎاما بیمۍ.
زانیاری سەروو ئشناسنامەو هامڕایاما کە گەشمەرڎۍ بیۍ پی جۆرەنە:
ناسنامۍ / رەوشەن دەلیلا
نامۍ و دما نامۍ / خانم دورمەز
شۊنماو جە ئەڎابیەی / وان
نامۍ ئەڎۍ و نامۍ تاتەی / فەیروز- عیسمەت
وەختوو شۊنماو گەشمەرڎەبیەی / ئاداروو ٢٠٢٤ / مەتینا
*****
ناسنامۍ / هەرەکۆل ئامەد
نامۍ و دما نامۍ / ئەمرە کۆرکماز
شۊنماو جە ئەڎابیەی / ئامەد
نامۍ ئەڎۍ و نامۍ تاتەی / رەڤزەتە- محەمەد ساڵح
وەختوو شۊنماو گەشمەرڎەبیەی / ئاداروو ٢٠٢٤ /مەتینا
