هەپەگە ئشناسنامەو یەرۍ جە گەریلاکاو ئازادی کوردەسانیش ئاشکرا کەرد کە جە کاتی جیا جیانە جە مڎرامانوو هەرێمەکاو پارېزنای مەدیاینە گەشمەرڎۍ بیێنۍ و واتش: "قەولما واوەی مکەرمېوە جە کوردەسانی ئازادەنە خاوەنداری جە وەرم و مەرامەکاشا بکەرمۍ."
ئەرەیاۋناکەو مېیانو ئەرەیاۋنای و چاپەمەنی هێزەکاو پارېزنای گەلی- هەپەگەی پی جۊرەنە:
"هەمڕۍ قارەمانۍ ئاپۆییما هەمڕا وڵات، ڕووژیانە و مەزرا جە ساڵۊو ٢٠٢٤ینە جە ئەنجامو هرووژمو دۊڵەتو تورکینە پەی سەرو هەرێمەکاو پارېزنای مەدیای گەشمەرڎۍ بیێنۍ. بە ڕێز و پنەزانایۆ یاڎو هەمڕایاما مکەرمېوە و قەولما واوەی مکەرمېوە مەرامەکاشا جە کوردەسانی ئازادینە زیڼە ڕاگېرمۍ.
هەمڕاما وڵات ئەویندارو وڵاتەکەیش، جە گرڎو ساتەکا ژیۋایشەنە دڵوەش بۍ، پېسە گەریلېوە ئازادی گېڵاوە کوردەسان. گەریلایەتیش پېسە ئێستەیۆ جەوهەری ۋێش وینا و بی بە خاوەن ئەوەکۊشایۍ بێهامتا. هەمڕاما هەر جە ئەوەڵ ڕۊوە بە بەشداریێوە فیدایانۆ جماوە و جە سەرنیشتوو کوردەسانی تا زاگرۆس و مەتینا جە چڼین مېڎانۍ ئەوەکۊشاینە جەنگش کەرد و پەنەوازیە ئاپۆییەکێش بە شایستەییوە جابەجێ کەردۍ. هەمڕاما تایبەتمەندییە بەقیمەتەکۍ پېسە سروشتی، سادەیبیەی و خاکییانەش جە کەسایەتی ۋێشەنە ئەرمانا و بی بە میلیتانێوە ئاپۆیی. هەمڕا وڵات جە ماوەو ١٣ ساڵەو ژیۋای گەریلایەتینە چڼین سەرکۊتەی گۊرەش تۆمار کەرد. بی بە قارەمانێوە گۊرەو گەلی.
ژەنی قارەمانەو سەرحەدی هەمڕا ڕووژیانە جە ۋەرا ۋەرو ژیۋای سەرمایەداریینە کە کۆیلایەتی ژەنۍ سەپنۆ، ژیۋای گەریلایەتیش پېسە یاگەگیرۍ هۊرگېرت و بە گرڎو بیەو ۋێشۆ ژیۋای گەریلایەتیش جە ئامێز گېرت. قولەپۊپەو کەشە ئازادەکاش پېسە شۊنەماو ئازادی هۊرسەنگنا. پۊکەی هەمڕاکێما هەمیشە بە وەشەسیایۆ ژیۋایش جە ئامێز گېرۍ و بە ڕەنج، فیداکاری و وێبەخشیۆ جە ژیۋای کەشینە بەردەوام کەرۍ و مەعناش پنە بەخشۍ. هەمڕا ڕووژیانە درکش بە سیاسەتەکا قڕکەردەی کەرد کە جە ۋەرا ۋەرو گەلەکەیمانە ڕاوەبەر کریۍ، پۊکەی گرڎ کاتۍ شۊنەو ئانەیرە گێڵۍ ئەوەکۊشایش فراوانتەر بکەرۆ. مڎرامانی بێریتانی و سەرکۊتەی زیلانیانەش کەرڎ بە ویست و مەرامو ۋێش. چی ڕوانگۆ هەمڕاکێما بیە بە میلیتانێوە پارتیما پەکەکەی و پاژکی جە تاریخو ئازادی گەلەکەیمانە نامۍ ۋێش تۆمارە کەردە.
ژەنەی قارەمانەو جزیرەو بۆتانی هەمڕا مەزرا ژیۋای کەشی و گەریلایەتیش پېسە سەرچەمەو ئازادی وینا. هەمڕېما پېسە ئەندامێوە ئازادی گەلەکەیما گەرەکش بۍ جە کەشەکا کوردەسانینە ئەوەکۊشۆ کە فەلسەفەو ڕابەر ئاپۆیش دلېنە زیڼەن. گەرەکش بۍ سات بە سات ۋێش بنییاڎ بنیۊوە و کولتوورو مڎرامانی جە کەسایەتی ۋێشەنە برمانۊوە. ئینەش پېسە گۊرەتەرین مەرامی هۊرسەنگنا. هەوڵوێسی ئەرەپڕاو ژەنا بۆتانی جە ۋەرا ۋەرو دژمنینە، جە تەمامو ژیۋای ئەوەکۊشای ۋێشەنە پارېزنا و گرڎو ساتەکا ژیۋایش بە ڕژدبیەیۆ پەی حەقکەردەیۆ جە سیاسەتەکا قڕکەردەی تەرخان کەرد. هەمڕا مەزرا بە کەسایەتی ژیۋای، بە مۆراڵ، بە جۆش و وزۆ جە گرڎ مېڎانۍ ئەوەکۊشاینە یاگە پەنجۍ ۋێش جیائاست و گرد کاتۍ جە ئەوەکۊشایمانە بەزینەیی مەنۊوە.
هەمڕێما وڵات، ڕووژیانە و مەزرا پېسە میلیتانۍ ئازۍ مێردین، سەرحەدی و بۆتانی بە ئەوەکۊشاکایشاوە گەلەکەماشا زیاتەر نزیک بە ئازادی کەردۆ. سەرساغی وێما جە بنەیانەی قارەمانو هەمڕایاما، گەلی وڵاتپارێزنیما و قەولما واوەی مکەرمېوە کە ئازادی ڕابەرایەتی و کوردەسانی بە تامەزرۆی و مەرامو گەشمەرڎاماوە پێکبارمۍ.
*****
ئشناسنامەو هەمڕا گەشمەرڎەکاما پی جۊرەنە:
ناسنامۍ / وڵات میدیاد
نامۍ و دما نامۍ / موستەفا ئاکپنار
شۊنەماو جە ئەڎابیەی / ئەدەنە
نامۍ ئەڎۍ و نامۍ تاتەی / قەدرییە – مەحمود
شۊنەماو کاتو گەشمەرڎەبیەی / ٢٩و ئابو ٢٠٢٤/ مەتینا
*****
ناسنامۍ / ڕووژیان ڕووکەن
نامۍ و دما نامۍ / ئەلیف کەسکین
شۊنەماو جە ئەڎابیەی / قەرس
نامۍ ئەڎۍ و نامۍ تاتەی / باوك: ناجیە – لەتیف شا
شۊنەماو کاتو گەشمەرڎەبیەی / ١١و تەمووزو ٢٠٢٤/ مەتینا
*****
ناسنامۍ / مەزرا بۆتان
نامۍ و دما نامۍ / شرین ئاتەش
شۊنەماو جە ئەڎابیەی / شڕنەخ
نامۍ ئەڎۍ و نامۍ تاتەی / لوتفیە – ڕەشید
شۊنەماو کاتو گەشمەرڎەبیەی / ٤و تەمووزو ٢٠٢٤/ مەتینا."
