ناوەنڎوو ئەرەیاۋنای و چاپەمەنی هەپەگەی سەبارەڎ بە چالاکییەکا و هجوومەکا سوپاو تورکی ئەرەگیری ئەرەیاۋنێوەش وەڵا کەردۆ. ئەرەیاۋناکەی پی جۆرەنە:

جە هەرێموو زاپینە؛

١١و شوباتی سەعات ١٣:٣٠، ١٧:٠٠ و ١٨:٠٠ جە مێڎانوو مدرامانوو سیداینە جە دژوو حەفارێوە کە حۊڵ دۍ سەنگەرەکا جەنگی وڕنۆ، بە نارنجۆکە و چەکی سوک چالاکی ئەنجامدریا. حەرپاسە سەعات ١٦:٣٠ دەیەقۍ بە چالاکی سابۆتاژ گورزە چا حەفارەیە شنیا. جە ئاکاموو چالاکیەکەینە گورزە جە حەفارەکەی شنیا و ناچار بی کە کیشیۆوە.

١٥و شوباتی سەعات ١٣:٠٠ چنی ١٧:٣٠ دەیەقا جە مێڎانوو مدرامانوو سیداینە بە نارنجۆکە و چەکی سوک جە حەفارێوە دریا، کە حۊڵ دۍ سەنگەرەکا جەنگی وڕنۆ.

هجومەکۍ سوپاو تورکی ئەرەگیری؛

جە بەینوو ١٦پۍ ٢١و شوباتینە جە هەڕێموو گارەی؛ مێڎانەکۍ دەشتەو کافیای، یەکماڵی و نەقەبی خێرێی ١١ جارۍ، جە هەرێموو گەشمەرڎە دەلیلوو ۋەرنیشتوو زاپی؛ مێڎانەکۍ کەش و وەهاری، کەش و ئامێدی ٧ جارۍ، جە هەرێموو خواکورکی؛ مێڎانەکۍ ئاوەو لۆلانی، سنین، خنێرەی سەرین، گۆشین ٧ جارۍ، جە هەرێموو زاپی؛ مێڎانوو گەشمەرڎە ئیبراهیمی ٦ جارۍ، جە هەرێموو مەتیناینە؛ مێڎانەکا دەرگەلێ، شێلازێ، بێشل، سەری مەتینای ٦ جارۍ، بە گرڎیی ٣٧ جارۍ  ئا شۊنۍ بە فرۆکەی جەنگی بۆردومان کریۍ.

١٩و شوباتی مێڎانوو مدرامانوو کەش و چارچەلی جە هەرێموو مەتینای بە هەلیکۆپتەری هجومکەر بۆردومان کریۍ".