سەرەڕاو گرڎوو هجووم و لەشکرکێشییەکا، سەرەڕاو فرەی و زەحمەتییەکا کۆچبەریی، ژەنی جە عەفرین و شەهبانە ۋێشا ئیسپاتکردۆ و هېزی قۆناغەو یووەم و هۊرچنیەو هامسەرۆکاو شارەوانییەکا دەسشاپنەکەرد و ژەناو عەفرینی و شەهبای لووۍ پەی ناوەندەکاو دەنگدای پەی هۊرچنیەو کاندیداو هامسەرۆکاو شارەوانییەکا.

کانتۆن و عەفرینی و شەهباینە هېزی سەعات ٩ هۊرچنیەی پەی کاندیداو هامسەرۆکاو شارەوانی دەسشپنەکەرد. هۊرچنیەکەی سەروو ئاستوو مەحاڵەکا فافین، ئەحداس، ئەحرەز، تل ڕفعەتی و شێرەواینە ٣٩ کاندیدۍ ژەنی نامۍ ۋێشا تۆمارەکەردە پەی هامسەرۆکاو شارەوانی. حەرپاسە جە لېوەتەرۆ هەر پەی هەمان مەبەسی سەروو ئاستوو ٢٠ دەگایا مەنتیقەو کانتۆن و عەفرینی و شەهبای ژەنی بەشداریشا جە هۊرچنیەو کاندیداو هامسەرۆکا شارەوانیەکانە کەرد و جارێوەتەر ۋەرا ۋەر بە ئەرەگیریەکا ۋێشا سەلەمناوە.